ياتل قلبي تلة الجمس لشاعر/عيد مربح

[سعد المظيبرى]

ياتـل قلبـي تلـة الجمـس بثنيـن=
=في يد عديم وشاحـن لـه زقايـر
وقف يشيل الحمل من بيـن حديـن=
=وقبل غروب الشمس والعج طايـر
بنشر مابين المركزييـن الغريريـن=
=وركب اسبيره كن ماهـوب ذايـر
وقامو عليه اللي على الموت جسرين=
=مسلحـيـن ومـدديّـن ذخـايـر
سبعة جموس موديل سبعه وسبعيـن=
=ومن فوقهن تقريب سبعـة حظايـر
قام وركب من فوق صافي البليتيـن=
=اللي حساسه مثـل حـس النذايـر
قال انتهض لعيون مريوشت العيـن=
=امـا طلعنـا بربـح والا خسايـر
عامين وانا اخـذ مقاضـي بالديـن=
=واليوم في تسديـدت الديـن حايـر
مع الوعـر ممشـاه ميـه وستيـن=
=ومع السهل طبلونه اللي انت خابـر

[خالد السعدون]

قصيده رائعة جدا


ومميزة


مشكور ع النقل ابن سعدون

[سعد المظيبرى]

مرور جميل خالد السعدون

[بعيد النظر]

قصيده مميزة ونقلــــــــــ رائع


ابن سعدون

[سعد المظيبرى]

مرور جميل شكرا لك بعيد النضر