قصيدة وصفية

[مسعود المظيبري]

هذه قصيدة للشاعر /ذياب عايض الذيب المظيبري
بعنوان الشتاء
المسافة طولت والنــــوم جاني @ والديـار بعيـد وددسن ثلاثـة
والقسوط اتطوف والصاحب شكاني@ والسكن شعبي وبايع نص أثاثه
والبرودة قارصة وأقشر مكــاني @ والعمل بالليـل وارثني وراثـة
حظي اللي منسدح دوم يعصـاني @ وان زهمته صد وصده خباثـة
وان نخيته شالني فوق و رمانــي @ أقشر الأخـلاق ما فيها دماثـة
والشتاء يلفح شديد و مربعــاني @ مثل ثلج القطب ويزيد بشراثـه
كم شكيت وكم عانيت وصرت أعاني @ من فعول الأصدقاء غدر و نكاثة
هرجـهم أحيـان يبغى ترجمــاني @ وبعضهم يدخل مع دروب الغثاثة
دايـم الجربـوع له مخراج ثانــي @ ويعرف الجربوع من جدت نباثه
من قرصه الداب يركض بعديــاني @ من توسط بالخطا جاه انكراثـة
والردي ما أنصاه لو وقتي حــداني @ بعد ما جربت مفهـوم العلاثـة
ولا تخاوي من الرجال الا حصـاني @ ولا تمر أعداك وثيـابك رثاثـة
وان بعثت ابعث حكيم صيرمـانـي @ و احذر الشرير ما يفيد ابتعاثـه
ولا تتدخل وأنت سـالم بأمر جانـي @ يدخلك بالشر من سبت اغلاثـه
و لا تشيـل السـالفة من بوبهـاني @ واحذر النمـام لاجاء بانفراثـة
كلـمتيـن من صـديـق و صيدلاني @ خير من متطفـل ينفث نفاثـة
واغفر الزلـة لجـارك والعــواني @ ولا تجيب السـالفة فيها اشتباثـة
والقتل للي قـتل بيـديـه عانــي @ وروضة الجثياث تصفي باجتثاثـة
وان لفاك الضـيف خلك منه دانـي @ واقـض لازم من نصاك اسثغاثـه
الكـرام اللي يمـدون الصيــاني @ أقسم أحلف مدحـهم ما به حناثـة
كيف سقيـا الزرع بأيام السـواني @ يوم زرع المزرعة بعـد الحراثـة
أتسلى بجزل شعـري و المعانـي @ ما أعرف التقليد وأسلوب الحداثـة
الخيــال اللي لـه أفك العنانـي @ صافي الاحسـاس ما جاه اللواثـة
والأسد و الذيـب ما فيهم اهداني @ فعلهم في حاضر الوقـت تراثـة

[الموج الأزرق]

صح لسان القائل

وسلمت آيادي الناقل

[كبريت]

قصيدة طيبة من شخص وشاعر والله يعين راعي الددسن والله يقضي دينة ولو من صاحب الدين لتركتة علي هذة القصيدة وتقبل مروري

[الأبذكر الله تطمئن القلوب]

صح لسانك وشكرا على الناقل