قصيدة الشاعر.مساعد الرشيدي في القبيله

[شلاح المظيبري]

سم الله الرحمن الرحيم
ادخل على الله واسلم الامر تسليـم
واستغفرة واستذكـرة واستميحـة
وضح النوايا والمسـاري مجاهيـم
والحلـم غالـي واليالـي شحيحـة
سـادت مفاهيـم وبـادت مفاهيـم
ويح الزمن يابنت الاجـواد ويحـة
خلي علـوم أمسيسـن المرازيـم
واخذي علوم مصمصمين القريحـة
حنا طنايا عبـس يامذيـر الريـم
حنـا مقابيـس الوغـى يامليحـة
حنا سلايـل قاسـم الخيـل ودليـم
وزعتنـا يـوم المكايـد رجيحـة
بدو حفايـا مانصفتنـا المقاسيـم
وبصدورنا عـز تطـارخ فحيحـة
نرعى رفيق البرق في ساقة الغيـم
ومن يستبيـح حدودنـا مانبيحـة
ولاياترع في هرجتة دفش وبهيـم
خطو الهبود اللـي تكابـر فطيحـة
عن ساقط الهرجة نطـق الملاطيـم
ومن طاح فيها مارحمنـا مطيحـة
نكبر عن الطفسة ونجزع من الضيم
ونموت ما ناطا شليـل الفضيحـة
نزوم زومـات الرجـال المحاشيـم
ونهـد هـدات النمـور الجريحـة
ربـع علـى در المنايـا مفاطيـم
من هازنا زاغت عجوزة تصيحـة
اليـا تغشلينـا عسيـر الشغاميـم
لومك على اللي مايبرهـن مديحـة
وان لولشـن محشمـات الملاثيـم
والموت حثرب بالحناجـر ضبيحـة
جينا من اقصانا سحايـب مراديـم
كل يذكـي حروتـة عـن نطيحـة
يازيـن دح قفوشنـا لـة ترانيـم
والعج واقـف والفعايـل صريحـة
كان المنايا سوقهـا مابعـد سيـم
والخوف برك بالقلـوب الكسيحـة
حنـا زباينهـا علـى المـلازيـم
علمـا يقريـة النصيـح لنصيحـة
واللي بنـى بيتـة نبيـة ابراهيـم
انا طريـق المستميـت لضريحـة
بني رشيد ان عتم الجو الجو تعتيم
ماللـردى فينـا ملامـح وليـحـة
أجسر من الرعاد واكرم من الديـم
سمر الجباة اهل الوجيـة الفليحـة
خوينـا نقريـة عـزة وتحشـيـم
دخيلنا دونة عن المـوت صيحـة
يابنـت ماحنـا فـقـارا معـاديـم
لوماسكنّـا القصـور الفسيـحـة
تجـار لوحاشـت يدينـا ملالـيـم
ومـن الغنـاة قلوبنـا مستريحـة
مانستضيـق ليالفـونـا معـازيـم
لضيـف لونذبـح حدينـا ذبيحـة
دايـم ايدينـا للعطـايـا موالـيـم
لي خانت الفزعـة وجيـة كليحـة
طال القريض ومقبل الـود ومقيـم
والبـال عيـا طارقـة لايريـحـة
اقولها وابصم على القـول تبصيـم
والعلم بين زايفـة مـن صحيحـة
ماهو قصور بالحـرار الصماصيـم
كل بدرب العـز قـد هـب ريحـة
مدحـي لربعـي مايـذم الاكاريـم
ولايستشـك الا خبيـث الشريحـة
والحق واضـح لرجـال المفاهيـم
والحقد يخرث بالنفـوس القريحه

[بنت نجد]

صح لسان شاعرها وسلمت انامل ناقلها

لاهنت اخوي

دمت بخير

[الادارة]

لاهنت ياشلاح

وصح لسان الشاعر المبدع

مساعد الرشيدى

[ابو العرف]

تسلم شلاح على النقل
ويسلم الزعيم على هالنادره

[شلاح المظيبري]

بنت نـجــــــــــــــــــد

للميــــــــــــــــــــــــــــــع

ابو الـــــــــــــــــــــعــــــــرف


اشكركم على مروركم الرررررائع المنور


تحـــــــــــــــــــــــياتــــــــــــي لكــــــــــــم

[بعيد النظر]

صوووووووووح لسانه

شاعرنا--مساعد



بيض الله وجهك



شلاح نقل مميز

[الريماسة]

صح لسانه

الف شكر اخينا لاختيارك القصيدة الغاوية

[سعد المظيبرى]

لاهنت ياشلاح

وصح لسان الشاعر المبدع

مساعد الرشيدى

تسلم يدك و نريد من جديدك

[مرشدالمظيبري]

لاهنت ياشلاح

وصح لسان الشاعر المبدع

مساعد الرشيدى

[قرم الرشايدة]

يسلمووووووووووووو على النقل....
وصح لسان الشاعر مساعد الرشيدي..

[عبدالهادي المظيبري]

..

بني رشيد ان عتم الجو الجو تعتيم
ماللـردى فينـا ملامـح وليـحـة

أنشــــــهد ..

لا هنت ع الأختيار العذب ولا هان شاعرها ..
..

[مرشدالمظيبري]

لاهنت ياشلاح

وصح لسان الشاعر المبدع

مساعد الرشيدى

[ابو نمر]

اشكر الشاعر الكبير مساعد على القصيدة التي ابدا فيها ماتتصف بة قبيلتة واعطاها صفتها الحقيقية بين القبائل العربية ...صح لسانة