كان قصدك عذابي لاتوصي حريص

[ولد الدره]

كان قصدك عذابي لا توصي حريص =الزمن مايقصّر وانت فيك بركه

لاتعاند تراني صرت مثل القريص=ماحدٍ راح صوبه والعذاب أنهكه

لمعة الشوق فيني مثل لمع الفصيص=والقدم سقتها لك والطريق أسلكه

قانص ٍ لك وطحت برمش عينك قنيص=يوم شفته غدا بالقلب صوت دبكه

جيت بافر منّك واثر مالي محيص =حيث سهّمك تعدا للحشا وادهكه

اشهد انّك بقدّرك وبغلاتك بخيص =من كثر زود حبّك طحت وسط إشبكه

انت وينك ترا الدعوى غدت حيص بيص =وين راح الذكا والفكر والتكتكه

خل قلبي بحبّك ياغناتي يهيص =وبين روحي وروحك وقّف المعركه

ماهو بشرط من دش البحر صار غيص =كم وكم واحد ٍ شاف البحر واربكه

كبدي اليوم صارت ياحبيبي حميص =وقرقعة قلبي بصدري تقول إتنكه

الأمل أنطفا نوره وباقي بصيص =والعمر فات دوره والزمان أدركه

صح قلت أبتعد لاشك منت برخيص =ماتناساك عقلي دام فيه إحركه

مايأثّر عذول ٍ جا عيونه نفيص =راح منّي وكفه مالقهر يفركه

ياحبيب ٍ جعلني من غلاته خبيص=له عيوني وطن والروح له مملكه

ماعلي غير شوفك ياحياتي نقيص =هاك خيط المحبّه وبيديك إمسكه

بين هم ٍ وتفكير ٍ وحظ ٍ عويص =كل من قال خلّه قلت كيف أتركه

كيف أخلّي حبيب ٍ في المحبه خليص=فارض ٍ إحترامه والحنان ملكه

لو جعل لي رساله وسط مخبا القميص=بدري إن التجافي والزعل فبركه

ويوم قلت أبتعد والله منت برخيص =كيف يرخص مقام اللي هواه حبكه

منقووووووووووووول

[بنت نجد]

روعـــــــــــــــــــــــــــه


صح لسان شاعرها وسلمت انامل ناقلها


لاهنت


تقبل مروري

[ولد الدره]

يسلمووو على المرور العطر