قصيدة رثا بالشيخ / حمد مثيب ابن قصان رحمه الله

[صلاح مطلق الرشيدي]

بسم الله الرحمن الحيم



السلام عليكم ورحمة الله وبركاته...... وبعد


اقدم لكم قصيدة رثا بالشيخ / حمد مثيب ابن قصان رحمه الله




ابان الاســمر يشتكي له اســبوعين ـــ يشـــكي للاحـــمر لوعـــتله جديده




عـليه رد وقال أنا خــاطري شين ـــ فــقـيــدتك والله عـــلــيـــنا فـقـيــده




وجــاوبت ابانات الرواسي ببيتين ـــ مـن ضيقة ن بالصدر مدري قصيده




قلت القـــدر مكتوب ياجبال ابانيين ـــ اســـهومــه الانســـان لازم تصيده




مرحوم ياشيخ (ن) على العسر واللين ـــ شيخ (ن) ببنوك العز راهي رصيده




يبكونه اعــياله وجـــاره والادنين ـــ والضيف وارجـــال ن اتعرفه بعيده




لعل بالـــفردوس اله منزل ن زين ـــ لعل ربي مـــــن نعــــيمه يــزيــده




وجــــــاوبت ابانات الرواسي ببيتين ـــ حـمد ولد قصــان والله فــقــيـــده






الشاعر/ صلاح مطلق ابن بدوي

[الجارح]

وجــاوبت ابانات الرواسي ببيتين ـــ مـن ضيقة ن بالصدر مدري قصيده




قلت القـــدر مكتوب ياجبال ابانيين ـــ اســـهومــه الانســـان لازم تصيده

بيض الله وجهك علي هذه القصيده الجزله التي تدل علي شاعريتك
التي تدل علي الحكمه في انتقاء الابيات وبكل صراحه
اعجبت في هذه الابيات وانت شاعر غني عن التعريف
ورحم الله الشيخ :حمد بن مثيب القصاني
وتقبل مرووري

[ابوفهد]

الله يرحم الشيخ حمد ابن مثيب

وصح لسانك ابومطلق

[صلاح مطلق الرشيدي]

مشكورين على المرور الرائع والمشرف
تحياتي

[كبريت]

أخوي صلاح بيض الله وجهك وقصيدك طيبة وانت رجل غني عن التعريف وكل ماقيل فيك قليل وتساهل أكثر وجعلك الله خير من يمثل هذا المنتدا وتقبل تحياتي أخوك (ح) /كبريت

[الذوق الرفيع]

وجــاوبت ابانات الرواسي ببيتين ـــ مـن ضيقة ن بالصدر مدري قصيده




قلت القـــدر مكتوب ياجبال ابانيين ـــ اســـهومــه الانســـان لازم تصيده

بيض الله وجهك علي هذه القصيده الجزله التي تدل علي شاعريتك
التي تدل علي الحكمه في انتقاء الابيات وبكل صراحه
اعجبت في هذه الابيات وانت شاعر غني عن التعريف
ورحم الله الشيخ :حمد بن مثيب القصاني
وتقبل مرووري

[شرقااااوي]

الله يرحم موتاء المسلمين
وصح لسانك يا بو مطلق
ومشكور على النقل