مــحــاورة بــين الشــاعر بـوش والشــاعر بليـــر ,,,,

[احساس]

محاوره شعريه بين بوش وبلير

بلير:
الله لايجزاك بالخير يابوش
*** ورطتنا في حرب صدام ورطه
غرمتني وتقول بترول وقروش
*** بس الحقيقه روحتي معك غلطه


بوش:
يابلير رد العلم عن بوش إبن بوش
*** الله خلقنا للمقاريد سلطه
وأبوي عنده للرياجيل دنبوش
*** كم واحد شلنا فلوسه ونفطه


بلير:
أبوك والنعمين لكن انت مربوش
*** تموت بالبترول وتحب شفطه
صحيح عندك مال وسلاح وجيوش
*** مير اتوقعلك تدهور وسقطه


بوش:
يابلير كانك خفت يوم إحتمى الهوش
*** حرام ماتاخذ من النفط نقطه
قبلك ترى شيراك كد راح مكروش
*** شوفه يصرح كل يوم بمحطه


بلير:
وراك ماتعطي لشيراك عرموش
*** تراه مشغلنا بشيله وحطه
ولينتهى موضوعنا نرسل طروش
*** ونجمع المبلغ من الربع قطه


بوش:
شيراك هدا عنده الفكر مغشوش
*** فرط علي بمجلس الامن فرطه
يدزه اليابان والصين ويطوش
*** ومجهز الفيتو لتحقيق شرطه


بلير:
يابوش انا مرهق وخايف ومدهوش
*** وأنت تقول الحرب خدعه وخطه
أسراي واسراك امتلى منهم الحوش
*** عزالله أنه اصابني منك جلطه


بوش:
ماقلتلك كم فيهإداعات ودشوش
*** لاتكشف المعنى وانا اقول غطه
وان قالوا انا علوج واصحابنا جحوش
*** ماهمنا الصحاف واللي يحطه
ههههههههههههههههههههههه
:x005:منــــقووووووووووووووول:x005:

[بنت نجد]

هههههههههههههههههههههههههههههههه

تسلم يمينك على الطرح

[الجارح]

كل الشكر لك علي الطرح
ولاتعليييييييييييييق
وتقبل تحياتي

[احساس]

الله يعطيك العافيه

[عاشق الصمت]

لاهنت احساس
وكل الشكر لك علي النقل
وتقبلو مروري

[بنت رجال اخت رجال]

روووووووووووووووعه

[مسافر]

لاهنت احساس
وكل الشكر لك علي النقل

[احساس]

الله يعطيكم الف عافيه على الردود

[ذوق ونظرتي فوق]

ههههههههههههههههههههههههه
الله يرجك يا احساس
محاوره جميله بين شاعرين كبيرين هع

[المميـــز]

والله وطلعت يابوش شاعر معنى هههههههع
احساس
بيض الله وجهك ولاهنت علىآ النقل

[ابوفهد]

احساس اشكرك على النقل الجميل