الشاعر
10-21-2010, 08:17 AM
بسم الله الرحمن الرحيم
السلام عليكم ورحمة الله وبركاته
أخواني أعضاء وزوار منتديات ابانات أمابعد..
اقدم لكم هذه القصيده التي قالها
الشيخ والشاعر
رئيس مركز المرموثة في ابانات /صلحان بن فلاح بن بدوي..
الى حضرت الاخ المكرم/عواض بن جميعان بن داموك بن بدوي المظيبري الرشيدي واخوانه الكرام
نبي نسير على عواض واخوانه ** اللي إلياجيتهم تبعد هناديبي
ارتاح وانسى الشقا والضيق واحزانه ** وارفع بهم هامتي عند الاجانيبي
انجال شيخٍ سما بالمجد عنوانه ** محشوم ومقدرٍعند المعازيبي
مرجحٍ بالوقارإكفاف ميزانه ** يازن كلامه ويافي بامواجيبي
فيه الوفاء والوقار ويحفظ السانه **عن كلمةٍمال قايلها مقاضيبي
وليا نطق بالكلام يثبت اركانه ** له كلمةٍ ما تعرضها الشواذيبي
ساسه عريق وتميز واعتلى شانه **عند السلاطين مروين المحاديبي
من شبته لين وافى العمرديانه ** مرفوع راسه عن الهزلات والعيبي
الله يطيب ثراه بعالي إجنانه ** ويقربه من هل الفردوس تقريبي
من لابةٍ مبعدٍ للون برهانه ** يوم المواجه بصعبات المظاريبي
من بين (ابانات)يومٍ صعب نسيانه ** انشد وتلقى الخبر ياعاشق الطيبي
انشد عن السيف من جابه بقيطانه ** مع جوخة الشيخ زيزوم المعاطيبي
هومن هو اللي رماه وكردس حصانه ** واخذ عتاده وطشه لسحم الذيبي
مع ضف قومٍ جبال(ابان)مسكانه **معهم جساره على الكايد وتدريبي
يوم البيارق عليهم شنت أعلانه ** مع طلعة الشمس باغين المكاسيبي
يبون كسب الحلال وذبح شجعانه **واللي بغوجنبوهم عنه تجنيبي
منهم وسيع الفضاء غيم بدخانه ** بيوم يهز العقول وطفله إيشيبي
من طلعة الشمس والبارود دندانه ** لين اسود الليل غطى للمراقيبي
والنصر معهم من الله قام سلطانه ** اقفت خيول العدو شردٍ مراعيبي
وادي (الرمه)سيلو رمله وقيعانه **من دم الابطال عكفان الاشانيبي
وعاف الطمع وانكف البيرق بخسرانه ** عقب الطمع بايعن بأسه بتأديبي
هذا صحيح الكلام بوقت ميدانه **واليوم يمكن يلفق به عذاريبي
الله يديم الامان بعز سلطانه ** عبدالله اللي عدل في كل ترتيبي
الله يجزل جزاه ويحفظ اخوانه ** سيوفنا كــان خبثن المشاريبي
واختم كلامي بذكر الله سبحانه ** محيي العظام الرميم وعالم الغيبي
وصلو عدد ماهطل بالقاع هتانه ** على نبي الخلايق طيب الصيب
السلام عليكم ورحمة الله وبركاته
أخواني أعضاء وزوار منتديات ابانات أمابعد..
اقدم لكم هذه القصيده التي قالها
الشيخ والشاعر
رئيس مركز المرموثة في ابانات /صلحان بن فلاح بن بدوي..
الى حضرت الاخ المكرم/عواض بن جميعان بن داموك بن بدوي المظيبري الرشيدي واخوانه الكرام
نبي نسير على عواض واخوانه ** اللي إلياجيتهم تبعد هناديبي
ارتاح وانسى الشقا والضيق واحزانه ** وارفع بهم هامتي عند الاجانيبي
انجال شيخٍ سما بالمجد عنوانه ** محشوم ومقدرٍعند المعازيبي
مرجحٍ بالوقارإكفاف ميزانه ** يازن كلامه ويافي بامواجيبي
فيه الوفاء والوقار ويحفظ السانه **عن كلمةٍمال قايلها مقاضيبي
وليا نطق بالكلام يثبت اركانه ** له كلمةٍ ما تعرضها الشواذيبي
ساسه عريق وتميز واعتلى شانه **عند السلاطين مروين المحاديبي
من شبته لين وافى العمرديانه ** مرفوع راسه عن الهزلات والعيبي
الله يطيب ثراه بعالي إجنانه ** ويقربه من هل الفردوس تقريبي
من لابةٍ مبعدٍ للون برهانه ** يوم المواجه بصعبات المظاريبي
من بين (ابانات)يومٍ صعب نسيانه ** انشد وتلقى الخبر ياعاشق الطيبي
انشد عن السيف من جابه بقيطانه ** مع جوخة الشيخ زيزوم المعاطيبي
هومن هو اللي رماه وكردس حصانه ** واخذ عتاده وطشه لسحم الذيبي
مع ضف قومٍ جبال(ابان)مسكانه **معهم جساره على الكايد وتدريبي
يوم البيارق عليهم شنت أعلانه ** مع طلعة الشمس باغين المكاسيبي
يبون كسب الحلال وذبح شجعانه **واللي بغوجنبوهم عنه تجنيبي
منهم وسيع الفضاء غيم بدخانه ** بيوم يهز العقول وطفله إيشيبي
من طلعة الشمس والبارود دندانه ** لين اسود الليل غطى للمراقيبي
والنصر معهم من الله قام سلطانه ** اقفت خيول العدو شردٍ مراعيبي
وادي (الرمه)سيلو رمله وقيعانه **من دم الابطال عكفان الاشانيبي
وعاف الطمع وانكف البيرق بخسرانه ** عقب الطمع بايعن بأسه بتأديبي
هذا صحيح الكلام بوقت ميدانه **واليوم يمكن يلفق به عذاريبي
الله يديم الامان بعز سلطانه ** عبدالله اللي عدل في كل ترتيبي
الله يجزل جزاه ويحفظ اخوانه ** سيوفنا كــان خبثن المشاريبي
واختم كلامي بذكر الله سبحانه ** محيي العظام الرميم وعالم الغيبي
وصلو عدد ماهطل بالقاع هتانه ** على نبي الخلايق طيب الصيب