عدد الضغطات : 1,330
عدد الضغطات : 1,358
عدد الضغطات : 1,736
عدد الضغطات : 3,773عدد الضغطات : 724
العاشر
عدد الضغطات : 1,150عدد الضغطات : 2,676
http://www.apanat.com/vb/showthread.php?t=20712
عدد الضغطات : 2,486الصف الثالث
عدد الضغطات : 2,459
عدد الضغطات : 0

 
 
العودة   منتديات ابانات > منتــــديات ابانات الادبية > منتدى الشعر النبطي
 
 

منتدى الشعر النبطي خاص بقصائد الأعضاء وابداعات شعراء المنتدى ، والقصائد المنقولة وفنون الشعر النبطي وادابه واحكامه.

الإهداءات

إضافة رد
 
أدوات الموضوع
قديم 06-10-2012, 10:43 PM   المشاركة رقم: 1
المعلومات
الكاتب:
اللقب:
عضو نشيط جدا
الرتبة:

البيانات
التسجيل: May 2012
العضوية: 3459
المشاركات: 65 [+]
بمعدل : 0.08 يوميا
اخر زياره : [+]
الدولة: saudi arabia
علم الدوله :  saudi arabia
معدل التقييم: 3
نقاط التقييم: 10
الشهاب الثاقب is on a distinguished road
 


التوقيت

الإتصالات
الحالة:
الشهاب الثاقب غير متواجد حالياً
وسائل الإتصال:

المنتدى : منتدى الشعر النبطي
افتراضي ديوان الشاعر الكيبر/ عبد الله بن نايف ابن عون

--------------------------------------------------------------------------------

بسم الله الرحمن الرحيم

في الحقيقه يصعب التقديم لـ مثل عبدالله بن عون لذلك ..

أقدم لكم بعض مما لدي له من قصائد بدون مقدمات ..

وأرجوا أن أوفق في ذلك ..




1





مع هجعة اللي يختفون أول الليـل=الغايبـه دايـم يغيـبـون معـهـا
النفـس تاقـت للسمـر والتعاليـل=والعين أشوف النوم خالف سنعهـا
وطاب الجلوس بجانب النار ياشعيل=وحط الحطب في ترعة ٍ من ترعها
وإليا استوى للجمر فيهـا دحاميـل=وأقبـل تواهجهـا وقفـى ولعهـا
درج على المحماس من غير تعجيل=بريـة ٍ دوب اليمـانـي قطعـهـا
أول قطاف سفـوح شـم الأقاذيـل=اللي جذا حوم الوحش عن فرعهـا
شـم يساقيـه السحـاب بهماليـل=ليـن يتحـدر سيلهـا مـع تلعهـا
وترى لحمستهـا نظـام ودواليـل=وشريعة يمشى بأثر مـن شرعهـا
أول بدايتهـا مـدافـع مخالـيـل=ومسرى جماميل ٍ بغالـي سلعهـا
وسوق ٍ كما سوق الجمال المحاميل=مازال حموى النـار ماقـد لذعهـا
وإليا تطلق مـن شذاهـا زعاجيـل=وبشت عرق واللون الأشقر نشعها
فالحال سهلها عن النـار تسهيـل=حتى لظى المحماس مـا يدّرعهـا
وغير لها يا شعيل مسرى الجماميل=بطـراد زلبـات ٍ تزايـد فزعـهـا
تدريجة الحيـران ومطـارد الخيـل=هـذي طريقـة حمسهـا واتبعهـا
وعقبه تميلها على النجـر تمييـل=جذاب روس القوم مـن منتجعهـا
عوايد له من على سالـف الجيـل=ماهـي حديثـه تونـا نبتدعـهـا
ومن يوم تنعمها فـدوك الدعابيـل=فوق أصهب اللون الربيب تهزعهـا
وتضبط قياس الماء لها بالمكاييـل=ضبط الخبير لصنعـة ٍ مخترعهـا
ومن يوم تقطع خلها مثل مـا قيـل=ترخي على هدفى السبيل مخذعهـا
مبهارة ٍ تذعـر بغالـي التشاكيـل=طب العمـاس إليـا تيسـر تبعهـا
صفرا كما القنديل حسنـا تعازيـل=من صنعة رسـلان الأول صنعهـا
إليا دارها اللي يعتنـي بالمعاميـل=وفاحت وبالفنجـال الأول ردعهـا
وفيها تساوت خنة البـن والهيـل=والنفـس دافعهـا عليهـا دفعهـا
قم صب لي ياشعيل منهـا فناجيـل=على سنـا ضـوء تهـادى ولعهـا
أظنهـا يامـال طـول التماهـيـل=تقلع همومـي كـان ربـي قلعهـا
وتفتح لها أبواب بصـدري مقافيـل=وتجمع لي أفكار ٍ تشتـت ضيعهـا
وآخذ بها عن ضيقت البال تبديـل=وصروف دنيا ما مشت مع سنعهـا
دنيـا تصيـد بالشبـك والمحابيـل=ناس تسايرهـا ونـاس تخدعهـا
أحد تجي له بالرضـا والتساهيـل=وهو لو تعب في جمعها ما جمعهـا
وأحـد ركابـه مقفيـات ٍ مقابيـل=ولابـاب والا نافـذة مـا قرعهـا
وتعطيه قاف إليا طمع بالمواصيـل=وينكف معيف وسامح ٍ من طمعهـا
دنيـا تقـذل سبـق الحـر تقذيـل=وتوهنه فـي ربعـة ٍ مـن ربعهـا
لو قد مضى له من شقاها غرابيـل=يوم الحرايـب مظلمـات ٍ قطعهـا
يوم الطلوع ابها على الهجن والخيل=ما قد فهق عن طلعت ٍ مـا طلعهـا
ويوم استقرت وأغدقت بالمحاصيـل=صـارت منافعهـا لمـن لا نفعهـا
عقبانهـا تمسـي قوايـا مواجيـل=والمستفيد غرابهـا مـع مرعهـا
واللي مسـار أمورهـم بالبراطيـل=واللي متى ما وافقـت لـه بلعهـا
ومن ذاق در المرزمـات الأباهيـل=أمـا حلبهـا حلـب وإلا رضعهـا
وحصنيها يرقص على هزت الذيـل=ولو يجتمع قدمه سبـاع ٍ سبعهـا
ولا عندنا ياشعيل للعـوج تعديـل=مازال ممشاها على العـدل أطعهـا
وإن شفتها قامت تجانف على الميل=بأردى ثمن عند أول السـوم بعهـا
واستثن منها قومت ٍ بآخـر الليـل=في حـزة ٍ كـل ٍ يحـب يهجعهـا
إليا جاء لثلث الليل الآخـر تراتيـل=وقامت ملائكة الرضا قمـت معهـا
في ساعـة ٍ تكبيرهـا والتهاليـل=يجنى ثمار عذوقهـا مـن زرعهـا
وخل اجتماعك بالرجـال الحلاحيـل=اللـي خيـار المجتمـع مجتمعهـا
ولا تبدي الشكوى ولو ضامك الشيل=الا علـى رجـل يحـس بوجعهـا
رجل إليا التفـت عليـك النشابيـل=أمـا شبرهـا شبـر وإلا ذرعهـا
واختار مفتاح ٍ للأريـاء المقافيـل=روس العلا يرقيـك فـي مرتفعهـا
ومن الزمان اخذ العبر بالرحاحيـل=اللـي منازلهـم تهـاوى بقعـهـا
يافجعتي لاجيت بعـض المداهيـل=ولا شفت فيها عقب حـي ٍ رتعهـا
إلا رسـوم دارسـات ٍ مسامـيـل=وخرايم ٍ يزمى السـراب بشمعهـا
بلاقـع ٍ شهـب ٍ تهـاوى زهاليـل=ألظّاهر أن اللـي فجعنـي فجعهـا
من عقب أهلها لو سقتها المخاييـل=مالله نفعهـا وبركتـهـا نزعـهـا
لاجيتها جضيت مـن قلـة الحيـل=ودنياي عندي ضاق بـي متسعهـا
علـى حلاحيـل تضـد الرجاجيـل=حصن ٍ ماعـاد إلامقالـع شيعهـا
السته اللي يستحقون تفضيل = النفس وين أرضٍ بعدهم تسعها
عاشوا على الدنيا كما رافد النيل=بنفوس ما سيطر عليها جشعها
ولا قلت قولٍ مامعي منه تذبيل=يا مذيعها للناس إخذها وأذعها
وحق القبايل ما أعترض له بتقليل=الناس ما أظلمها ولا أنقص وزعها
فيهم مشاكيلٍ وفينا مشاكيل=ياما من الأخيار معنا ومعها

..

--------------------------------------------------------------------------------






يادار مريتك وأنا مبطيٍ عنك=علمي بشوفك يوم الأيام هاذيك
يوم إن ربي بالطبيعه مزينك=وحنا نسج أقدامنا في مناهيك
نبني كبار بيوتنا في دفاينك=ونصيد غزلانك ونطرد حباريك
وعقب الجفاف اللي شهابه مشينك=يضيق صدري كل ماجيت ناصيك
عسى مراويح السحايب تلينك=عقب الحفاف اللي أعوام واطيك
ضلع الينوفي برغباه متحضنك=ومن غرب كن هضاب سفوه تناديك
وسلطان يوم إنه للأنظار بينك=ذكرني اللي قد مضى من لياليك
وحاشتني العبره عسى القوم تسكنك=وتفتحت بيبان صدرٍ مصاكيك
وغازي ذكر له نبذةٍ عن محاسنك=يوم إن ربي من عطاياه معطيك
يوم إن أبوفيحان مضفٍ على أيمنك=مهابةٍ تكسي سحيله وتكسيك
وأبو سعود اللي يقدي ضعاينك=ويتيه البوش العفر في مضاميك
واليوم يادار الشقاء مكسبي منك=تكديرة الخاطر ليا جيت ناصيك
ماعاد أبي شوفك ولاعاد أواطنك=وأبو زناده باركٍ في مثانيك


..

--------------------------------------------------------------------------------




الله من قلب ٍ رمع فيه رماع=وأخلف يمومه عن طريق التسانيع
هجس ٍ رمع ماله عن القلب فراع=عليّ غاراته تشن المفازيع
مركز بنوده بين محني الأضلاع=ليا ناموا العربان سوى مشاريع
يشري بقلبي كل ليلٍ ويبتاع=وله الجوارح خاضعات ٍ مطاويع
أسباب ورق ٍ بالتغاريد سجاع=طرب على روس العياد النعانيع
ورق غناه من النياحه به أنواع=صوته يزيد ملوع القلب تلويع
يا ورق كف غناك مال الطرب داع=ياشين مالك في عذابي منافيع
هو ليه يوم تروجع الصوت روجاع=قصدك تزيد مولع القلب توليع
إن شفت من قلبه جزوع ومولاع=على النياحه لاتوريه تشجيع
أسهرت عيني والمخاليق هجاع=وذكرتني خل ٍ بعيد المراميع
راعي جديل ٍ فوق متنه إليا إنداع=كنه شليل اللي تتل المصاريع
ليا جا نهار ٍ فيه صايح وفزاع=والخيل بأطراف الجهامه شواريع
بيوم ٍ مثل يوم الرحى عجه أمزاع=نهار أخو نوضا يفك المجاميع
مخلي سروج الخيل من كل صعصاع=عقايره سرد الرمك والمداريع
كم راس شيخ ٍ دق به روبة القاع=وخلي عشاً لذياب نجد المجاويع
يدلي بهندي ٍ للأرقاب قطاع=في روس ضده غاديله لعاليع
سيف شقير ويامره قلب وذراع=ضربه يطوع مخطي الدرب تطويع
يومه على ضده مخاييله أتباع=نهار يفرق شملهم عقب تجميع
غيمه عجاج الخيل غاره ومرجاع=وشمسه بواريق السيوف اللواميع
يشيب منه اللي على الديد رضاع=يوم العذارى من ذهلهن مفاريع
لا والله ألا صاحبي شد نجاع=بيني وبينه يهرع الذيب ويريع
عنه أتحذى العلم مع كل ذعذاع=أنشد ولاعينت للعلم تسنيع
عليه أصابتني عواريض وأوجاع = نار الغرام تميّع القلب تمييع
أتلى العهد به يوم مظهوره إنزاع=جلع ضعنهم طلعة الشمس تجليع
بدوٍ يبون بشرقي النفد مرباع=ولهم على أطراف الصداوي مراميع
راحوا بعد حطو على الكبد مرقاع=وعسى لهم من عقب الإقفا مراجيع
ليا من نبت الصيف جاله تمرياع=وأضفى على روس العبال المصاليع
ليا حف زملوق الطواليع وإنصاع=وأقفا خضار النبت حتى الطواليع
والأرض صفرا عودها والثرى ضاع=وإستبدلت عقب الخضار البلاقيع
وجونا تباريهم زهازيم الأقطاع=كنه يقلطهم عقيد الطماميع
أقفا الربيع وعودوا للشفا أرياع=لعلو نجد اللي هبوبه ذعاذيع
ليا من نبت الصيف جاله تمرياع=وضفى على هاك العبال المصاليع
اللي طويل عدودها عشرة ابواع=وأقذالها مثل الطيور المواقيع
يزمي بها طافح سراب ٍ ليا ماع=كنه من القصدير ياخذ تلاميع
دار بها تركي ومحسن وهزاع=من حبها مال الثلاثه مناجيع
ماكفت البره وجزعا وجزاع=وأجنب جنوب إليا القهب والمجاضيع
ولهم على منثورة العرق مرماع=هاك النفود اللي غضاها مهانيع
أظني أضرب للغظي درب الأسناع=وأشوف زوله عقب صد وتمانيع
وفي غير شوف العين مانيب طماع=ليا حصل لو هو سلام ٍ وتوديع


..

--------------------------------------------------------------------------------








أنا غرب واللي خاطري ينتحيلـه شـرق=بعيداً وطن مظنون عيني عـن أوطانـي
حصل في غروب الشمس بيني وبينه فرق=عسى الله يقرب دار من حبـه اشقانـي
اليا جا لذيذ النوم يسرق عيونـي سـرق=ذكرته بعيـد وعافـت النـوم الأعيانـي
الا يالله انـك لاتجـاز الحمـام الـورق=وراه يتلاعـى بالطـرب ليـن يشعانـي
وراه يتلاعى لين عنااني بحلـو الطـرق=من الولف اظنه جايـن الـورق ماجانـي
من أربع سنين ومهجة الروح فيها حرق=نتيجة نـدب عيـن ٍ سهمهـا تمثنانـي
وساع العيون الساحريـة طعنهـن زرق=لها نظرتن من صابتـه طـاح وجعانـي
سقا الله ليا قام يتكاشـف علـي البـرق=وأنا اشوف زوله بيـن ربعـي وخلانـي
تفتح لعيني يوم أشوفه وسـاع الطـرق=وانا قبل اشوفه مثـل يعقـوب عميانـي
تهشم نظيره من هميل الدمـوع الـزرق=عمي لين جابوله قميـص ابنـه الثانـي



..

--------------------------------------------------------------------------------





ياهل الجيوب الساريـة دوروا لـي = خطٍ يوقف بي علـى بيـت سطـام
ماوالله استانـس اذا ضـاق جولـي = الا اليا جالـه علـى النـار همهـام
اليا قام نجره يزعج الصوت حولـي = واحيا السمر بألحاق الاضرام الاضـرام
لـو هـو يذكرنـي قديـم الفعولـي = اللي غدت مثل الهـذاري والاحـلام
فعول الرجال اللي تشيـل الحمولـي = نطّاحت الكايـد مفاريـس الاخصـام
وليا ذكرت افعـال هـاك الزحولـي = ربعٍ تقافن دونهـم جـرد الاعـوام
اخـذ شـوي مغيبـن فـي ذهولـي = يعرض لي الماضي كما عرض الافلام
بأطياف ذكرى في خيالـي تجولـي = تطوف بي بيـن الحقايـق والاوهـام
دنيـاً تـزول وماعليهـا يـزولـي = الباقي الله وأفضـل الخلـق مـادام
ياحيـف ياتفريقـهـا للشمـولـي = تنشـر بيارقهـا علـى كـل مقـدام
وتاطا كبار الجـاه وطـي النعولـي = لين القضا فيهـم غرس نابـه السـام
هـذي منازلهـم خلـيـاً تهـولـي = ترثالهـا فـي هـاك الايـام الايـام
بلاقعـاً شهـبً خلـيٍ محـولـي = تبني بها هـوج الدواليـب الاسـوام
عقب الجهام وعقب هـاك النزولـي = تقـول محـدن حـل فيهـا ولاقـام
طرفي بدمعه يـوم اجيهـا همولـي = تقـرب محاظيبـي ولانـي بمـلام
اذكر طربها قبـل عشريـن حولـي = قـدام تزلـف هـاك الايـام قــدام
ولو صرت من غارات سلمى زعولي = يملي علـيّ العقـل تنفيـذ الاحكـام
واعـزي الخاطـر بربعـاً بقـولـي = هم نور عيني في غطاليس الاظـلام
لـولا الاسـود معقبيـن الشبولـي = عندي تغلّق مصـدر الانـس بلحـام
لاجيتهم عقب البطـى يسّـروا لـي = توسيع بال وضيـع الهـم الاكـرام


..

--------------------------------------------------------------------------------






يا راعي الغـر العـذاب المباهيـش=رش الكبود اليابسـه عـن عطشهـا
دنق علي وطمن الـراس بشويـش=واحي العـروق الذابلـه وانتعشهـا
حبك ينهش ثومـة القلـب تنهيـش=نهش الحنيش لعرش رجـل نهشهـا
واهل الهواء في سجن غيك دروايش=وقلوبهـم وجلانـه مـن دهشـهـا
من ذاق من خمر السوالف بخاشيش=يبطـي وروحـه معتلقهـا بلشهـا
ولا تستمع في هل الحكا والوشاويش=نـاسٍ انقيلـي النامـيـم دبشـهـا
يا خشف يم ذار واوحـي شوابيـش=بدواً طلوع الشمـس ذاره وغشهـا
والعين عين اللي جسر عقب توحيش=اميـر بيتـي الحـرار اوحشـهـا
طرح الشبك ما قبلـوه الطواريـش=ولا قرنسوه اهل العشش في اعششها
وحش وجاي من بعيـد المناطيـش=عوق الخريش اللي طياره خرشهـا
لا قام ياخذ من طرق ريشها ريـش=واليـا قضـا لعبـه عليهـا لكشهـا
جابوه من عين الشمـال الهماميـش=ابرك لهادي طرشـة قـد طرشهـا
جابوه لمثمـن طويـل المطاريـش=شيخ قوانيـن العـرب مـا دغشهـا
محمد عشير منقضـات العكاريـش=نجل العيـون اللـي مـلاح بهشهـا
ومهـدي للـي براسـه نغامـيـش=لا شوشت حيات الارض وحنشهـا
محمـد مقابـل قاصـده بالتباهيـش=وملفي الرجال اللي جميله غطشهـا
دايـم وبيتـه مدهـل للمداغيـش=وكم روح معسور بجـوده نعشهـا
لا يبعد نـاس تكبـر علـى ويـش=لاشافت الناصـي تلـوت خششهـا
لو يملكون ارقام الامـوال حتيـش=در الحمـاره دوب يكـي جحشهـا
وروس الضبا ماذكر فيها عراميـش=لو هي على الزيله كبـار شوشهـا



..

--------------------------------------------------------------------------------





الله مـن قلـبٍ الـى منـه أدوى=يدلج به الهاجس كما يدلج الطيـر
عسى ماهيب إدوايت القلب عدوى=وجاين لها بدلاجة الطيـر تأثيـر
قلبٍ يحب البـدو قبـل إيتبـدوى=ويشاعفه مسنادهـم والمحاديـر
وقد صار له معهم رواحٍ وغدوى=وقد ساق له معهم قطيعٍ مغاتيـر
واليوم ممشا البدو من دون جدوى=تطرق سهالٍ مابها إلا المعاصيـر
والغيث عنهم نوب قام إيتعـدوى=وحاجاتهم عيّو عليهـا الهواميـر


..

--------------------------------------------------------------------------------







شعتني علوم الصيف وأرقلت للمسناد=ولاعاد يعذل واحد" طافح" شبله
أبي عبلة" ضاف" عليها كما السجاد=ديار" يرود عدودها من يحب إبله
ولاعاد لي من يوم سال الشفاء مقعاد=عتيبي وداري فوق ونحيتي قبله
مادامه وكد لي سيل وادي قليب عناد=أنا ويش يحرمني شفا نجد والعبله
أباأتبع هوى وضحا" تحط اللبيد سناد=لها غير زين طبوعها خدة" قبله
ليا سمعت الحادي نده ندهة الميراد=تقود أول الزعجول الأول وتقربله
أبيها ترفع فوق عن ساخن الأنفاد=وتجي في فياح" كل مصلاح يطرب له
أنا في الديار الطامنه في تعب وجهاد=على كثر مرعاها مداخيلها خبله
عساها يساقيها المطر ديرة الأجواد=ماأبيها لوإن ثمامها ينقلب ربله



..

--------------------------------------------------------------------------------








مرثية في حاتم عتيبه الشيخ عبدالعزيز بن جامع رحمه الله



يالله ياللي كلنا منك واليك=ماتأخذه منا وما أبقيت منا
ياواحداْ كل البشر بين اياديك=اجبر عزانا في فقيد وطنا
ولاهوب انا اللي يابوخالد مسميك=سماك أبو متعب زبون المجنا
الوافي اللي ماتجاهل مساعيك=عبدالله اللي يدحم الضد عنا
يوم العزاء شارك لنا في تعازيك=رغم أرتباطه وأنشغاله تعنا
عقب الوفاء الماضي مهوب متناسيك=جعل الليالي فيه مايفجعنا
والأسره اللي شاركوا بالعزاء فيك=جو للمواسى فيك منا ومنا
مرحوم ياشيخ قبيلتك تغليك=وتشكر جهودٍ فيك مايجحدنا
أقصى القبيله كنه أدنا بنيخيك=ميزان عدلٍ من رجح له تهنا
ياكثر ناس شاملتهم حسانيك=من صافحنه بيض أياديك غنا
عقب المتاعب والضما والتهاليك=هذي فللهم فالمزارع تبنا
وياكثر مداحك وياقل شانيك=وياكثر صداتك للاخصام عنا
واللي من الأجناب يسمع بطاريك=امسى بعد فقدك يون ويحنا
وعسى عوضنا يوم قفت لياليك=فالسته اللي سيرهم ماتونا
تنهج مناهيجك وتمشي مماشيك=وتدرى مشاكلنا وتقدي ضعنا
السته اللي رافعتهم مجانيك=عز القبيله واومرانا واهلنا
أنته مناديهم وخالد مناديك=وحنا بعد شوف النتايج ظمنا
ان المناهج مع مناهيج أهاليك=مناهج راياتها يرفعنا
وختامها الله بالتسامح يجازيك=ويحسن ختامك يافقيدة وطنا


..

--------------------------------------------------------------------------------








خلوج" على مجرورها تزعج المجرور=على مادهاها تلحق الجره الجره
ليا لحقت الطياح تنكس على المقهور=تبى الحاشي اللي ليت راعيه ماجره
تحنج على المقهور وحوارها مجرور=تلهى شوي وعودت تتبع الجره
عليها الله أكبر كدرت خاطر" مسرور=طرالي خلاج" ماتشافيت من شره
خلاج" قديم معقب" بالضمير فجور=عرضته على بعض الأطباء ولاسره
بعثله جروح" ماشفاها دواء الدكتور=تدمدم بعضها مير ماطاب بالمره
على أسلاف قوم" ذكرهم بالثناء مشهور=هل الماقف اللي منه الأحفاد مستره
رجال" تبرك بالصياني ظهور الخور=بوقت" مجاعاته على الناس مفتره
رجال" هوايتها على الميركه والكور=مجاذب صريمة كل وشحا وحزبره
تجلى لهم في عالية نجد كار ودور=كما هجر ماقد واحد" مد مامره
أناشدك يامسري وأناشدك يامظهور=وأناشدك يانومان وأناشد البره
عن اللي منازلهم بعدهم بقن دهور=فراغ" خلا مافيه مايازن الذره


..

--------------------------------------------------------------------------------

--------------------------------------------------------------------------------

--------------------------------------------------------------------------------



ياطير ماحدك نصيبك على خير=وراك مسجون" بوسط الغماره
حسبي على اللي عزروا فيك تعزير=تكفخ ويصلاك الحديد بحراره
في موتر" مال الولع فيه تأثير=تكسي أجار" مايعرف ألا أجاره
حشرت وحوش البر حتى العصافير=من يوم دور من وراها تجاره
ما للغشيم من الولع غير تدمير=دايم عماره صاير" في دماره
ياناقلين الطير من غير تبصير=حصيلكم منه التعب والخساره
أوفوا حقوق الطير وألا أترك الطير=لا تظلمونه ياجداد الصقاره
خلوه لمحمد عشير المناعير=اللي ليا شافه يعرف إعتباره
مقدم هواة الصيد من توه صغير=من خلقته يعطي عليه البشاره
يعطيه حقه في ليال المخاضير=لا بكر الوسمي ولجلج خضاره
قدام يظهر في نباته نواوير=ينصاه لو إنه بعيد" مزاره
مايمنعه دونه ردي الأشاوير=في نجد وألا نازحات" دياره
الطير يبغاله عنايه وتدبير=رجل" يعرف إهانته من وقاره
هذاك أبوتركي زبون المخاسير=سمح الحجاج اللي يذري جداره
يفزع لمحتاج" ويكرم مسايير=وغيث" على من يستجير بجواره
من جاه يشكي له من الوقت تقصير=مضهود وإلا مستجير" أجاره
ويطرب لنقل مصخر الخرب تصخير=وإطلاقة المسباق شفه وكاره
وينومسه فعل الفروخ المغاتير=ومن كل قرناس" تخير خياره
هذا يخل الريش مثل المعاصير=وهذا يشوقه لا حجل في طياره
كم ماقع" قفر" جهم له بتبكير=وأثعى بصيده حين يشرق نهاره
وإن جاء الضحى الضاحي وجت حومة الطير=حول بروض" في مفيضه قراره
وصكو عليه أهل الوجيه المسافير=والقهوجي قدامهم شب ناره
وإستانسوا في جو مافيه تكدير=ودارت سوالفهم عناد وعياره
وأخذوا لهم مقدار ساعات لا غير=لين الهوا يسكن ويركد غباره
ثم روحوا بين الصلاتين وعصير=والشيخ فك سبوق طيره وأداره
مستبشر" بالخير والصيد ما ذير=والطير صقاره يحب إختباره
وأشرف على جو" خضاره نواوير=فيه الخزامى والنفل والشقاره
وأخذ عن اللي عادته تلة السير=مايلتفت راعيه يسبر شناره
غلاص طلع" له على الصدق تبرير=يأخذ على الجو البعيد إنحداره
حول على جول" تقافى مدابير=زرق النحور اللي عليها الدواره
الطايره يرسل عليها مشاهير=مثل الجهاز اللي بتوجيه أداره
والدارجه يرسل عليها جزازير=كل أفدع" مع قو ضربه شطاره
يفرى نحرها فرية الدلو فالبير=تلقى الفؤاد مظهره من ستاره
في وقتها ينسى وداد الغنادير=وينسى جميع معاملات الوزاره
هذي حقوق الطير ياظالم الطير=ماهوب حقه سجنته فالغماره


..

--------------------------------------------------------------------------------





يافر قلبي فرير ملوع الكدري=موح" تعاوي نميلي" قصر دونه
جلع وشاف خلوي" جاه من حدري=وراح يتصافق بروس الريش ومتونه
على وليف" بشوفه ينشرح صدري=لا شك دونه مقاريد" يلدونه
عليه حالي تخله شوكة السدري=من يوم شفته وروحي فيه مقرونه
يازين جرحك سطابي وأنت ماتدري=في داخلي الحشاء متعظم" كونه
إرحم قتيل العيون وطرفك الخدري=صب" يبي منكم الرحمه وتجفونه
ترى لذايذ عرابين الهوى بدري=إليا قوى العود نبت الشوك بغصونه


..

--------------------------------------------------------------------------------

--------------------------------------------------------------------------------



--------------------------------------------------------------------------------

--------------------------------------------------------------------------------







البارحة جفني عن النـوم مذهـول=طيـب المنـام ولذتـه ماحصللـي
اليا شتل عيني عن النـوم شاتـول=أخذت مع هاجـوس قلبـي تسلّـي
وليا عذل عيني عن السهر عـاذول=قلـت السهـر ياعاذلـي جايزٍ لّـي
مادام الي قلباً مـن الحـب مدهـول=ما اشوف في كثر العذل صالحٍ لـي
اتركني اتبع راحـت البـال واقـول=من ماتصور واحضـره هاجسٍ لّـي
خل القلم يكتب من القيـل معسـول=ابيع واشـري فيـه واخـذ وخلّـي
اخذ من اول صفوة القيـل مزلـول=واترك حثـال القيـل عنّـي يولّـي
عسى يعالج خاطـراً فيـه نشبـول=من ضيقته ضاق الفضـا والمحلّـي
كان العزيز يصيـح للحـب مذلـول=فانـا الذليـل ولاحــداً ذلّ ذلّــي
دايم وجيبي بأزرق الدمـع مبلـول=وحالي نحيلاً من الهـوى مستخلّـي
حالاً براه الهجر حـولاً ورى حـول=ياللي يتوق لهجـر الاحبـاب حلّـي
طفلاً طغى ماله بسوق الهـوى دول=بأحلى صفات المحصنـات متحلّـي
راعي هدب عيناً بلا كحل مكحـول=والبدر كنّـه فـي الجبيـن متجلّـي
ما احرزت اجيه ولايجي منه مرسول=بينـي وبينـه واحـداً واقفٍ لـي
عليه قلبي بيـن الاظـلاع متلـول=ودايم وهـو للبـال قبلـة مصلّـي


..

--------------------------------------------------------------------------------

--------------------------------------------------------------------------------





يامن لعيـنٍ يعـل الجيـب ذارفهـا = أربع وعشرين ساعه تهجل إهجالي
والنوم يادحيـم عايفتـه وعايفهـا = دارت سنتها على سهـر وتملالـي
مدري على السهر عيني وش مكلفها = للسهر في نونها ممسـى ومقيالـي
واللي جعل نوم عيني مـا يوالفهـا = واهج لهيب الغرام اللي برى حالـي
واااحالي اللي طهوم الشوق ناحفهـا = مابـاقٍ ألا عظـامٍ جسمهـا بالـي
عليك ياللي غـلاك الـروح متلفهـا = ياللي محلك بوسـط القلـب نزالـي
غلاك روحي عن الخفرات صارفهـا = لو يجمعن لي من أولهن ليا التالـي
لك سيرةٍ بالمحبـه ماأقـدر أخلفهـا = لوهي سبايب سهر عيني وغربالـي
لولا رجاء ساعةٍ نقضـي حسايفهـا = وألا على السنـه السمحـه تهيالـي
رجعت للسالفـه وأحييـت سالفهـا = اللي يقولونها في مـاض الأجيالـي
اللي سبب موت ضيف جديع ماقفها = حيث أن ذباح ضيف جديع يبرالـي


..

--------------------------------------------------------------------------------


-------------------------------------------------------------------------------

--------------------------------------------------------------------------------





يالله ياقادر على بعث الأموات=ياجاعل" بين الأوادم تفاوت
وغير التفاوت بالهياكل والأصوات=أرزاقهم وعقولهم ماتساوت
يارب الأرض ويابديع السماوات=فرج هواجيس" بقلبي تخاوت
وإبرج لعين" ماتهنا بغفوات=دايم تشاوتها الطواري مشاوت
وروح" يلايمها من الهم لقوات=هاذي لها أكثر من سنه ماتشاوت
وقلب" يخمنه هواجيسه أفوات=مثل الطيور الجارحه لاتهاوت
خطر" بعد قلوا رجال المروات=يلذع كما تلذع فيوز الكتاوت


..

--------------------------------------------------------------------------------




يالوضح ماحدك على حاجر الشيح=ومنابت الحرمل شمال المسما
وهاك الخشوم اللي حجرها صلافيح=ألا الزمان اللي ماهوب أخو شما
البر ضاق وضايقوك المشافيح=وإحتدك الضامي على اللي مضما
مير إطلبي منشي السحاب المراويح=يرزقك رزاق المخاليق لما
بمزن يجي من يمة الغرب طفيح=وليا ومره الله رعد وإدلهما
نو" عروض" للرعد فيه تسبيح=إليا توهل عالية نجد سما
مدة كريم" ساقها مرسل الريح=من حد كشب ليا الوريعه وحما
قدمه ربابه كالنعام المشاويح=ربد" تقول أقطاع بدو" تلما
فيه الرعد كنه مصلي التراويح=إليا قرا سورة تبارك وعما
يأخذ شهر وثعول وبله مدابيح=نوب" على الهادي ونوب يتحما
يغنيك عن مرتع قراش الفلاليح=اللي دبشهم هامل" مايضما
وأسلاك شايكة" تجرحك تجريح=وأرض" بها أكياس النفايه ترما


..

--------------------------------------------------------------------------------


--------------------------------------------------------------------------------






ليا دير فنجال الدلال المباهير=في مجلسٍ روس الرجال احضرتْبه
يستاهل الفنجال الأول ليا دير=شيخٍ نبيلات المواقف زهتْبه
النائب الثاني مهابه وتكبير=رحبت به والمملكه رحبتْبه
وهجيت باب مسجنات التعابير=للشعب والراس الكبير ابتدتْبه
باسما التهاني والفرح والتباشير=ومادار بأفكاري وماهوجستْبه
ازفها لك ياحبيب الجماهير=على سلامة من صفاتك سمتْبه
زيزوم الأمن اللي فعوله مشاهير=مواقفه يم الثريا رقتْبه
ماخاب ظنك فيه من توه إصغير=ماجاه منك من الدروس اثمرتْبه
لو هو لحق هاك السنين المدابير=فاز بلقب خيال من قربتْبه
المملكه من حد الأردن لخرخير=تحيزمت بك والأمان إشعرتْبه
يسلم لنا راسٍ يقود المغاوير=شيخٍ على ممشاك رجله مشتْبه
شيخٍ وقف للملكه وقفة الزير=ولاخاب فيه الظن يوم اعتزتْبه
ضيّق على اصحاب الظلال المعابير=اللي تبنت منهجٍ ما افلحتْبه
شرذمةٍ تخلف ضعاف التفاكير=كم جاهلٍ بأفكارها غررتْبه
ترسم له الخطه على غير تبصير=وماراح راحتبه ولاعودتبه
مثل الفيوز ايقص من دون تبرير=هو ماسلم منها وهي مااعتنتبه
ياللي زرعت زراعةٍ نوعها غير=اقطف ثمر محصولها اللي نبتْبه
عقب افتدتبك دون ستر الغنادير=اللي تبي تذبح به الناس متْبه
وألا ولد نايف طويل الأشابير=نيّه عدو الدين عنه إقصرتبه
وانجاه ربي من جميع العواثير=والنيّه البيضاء على مانوتْبه







--------------------------------------------------------------------------------






ياسعود كان إنك تهدد على النوح=تعال أنا وياك ننعى هنيا
تعال أنا وياك نأخذ عن الروح=عطني وأنا بأعطيك مما تهيا
صبري وصبرك عقب فراج مشحوح=ماعاد فيها يالبناخي كنيا
وإن كان صبرك شح والصوت مبحوح=خل إنهتانك بالخفايا خفيا
واصبري اللي عقب فراج ملحوح=والغبن ماله في ضميري نهيا
أون وأتبع ونة الصدر بفحوح=ولا فرجت من ضيقة البال شيا
واطيري اللي لأبرق الريش ذابوح=مبعد عمس راعيه صبح وعشيا
تعرضه يوم أظلم الليل ساموح=وعليه ماسيت الفجيعه مسيا
جيته على جثة حباراه مذبوح=وأمست همومي داهيتني دهيا
وأصبحت أنا عن دبرت الطير مصفوح=ماعاد لي في نقل غيره شهيا
ماراح جعله مايعود على اللوح=وألا عساه إليا رجع مايحيا
ليت النقيصه فالرواقي ومجروح=وفي كل كابوجٍ سوات الحديا
وليته غدا وأرجيه مع كل طاروح=في المقبله يملابه الله إيديا
لوهو غدا ياسعود ماحسف الروح=بس الحسوفه ميتته هالسويا
وفراج مشروهه على كل ممدوح=يأخذ قضاه اللي برأسه حميا


..

--------------------------------------------------------------------------------




لجتـي لجـت خلـوجٍ تحنّـس بالمـراح=تندفع وتعـود لا اتـلا العهـد بحوارهـا
حنجةٍ في حروته ماتبـي عنهـا مـراح=ولالها مـن حيلـه إلا هميـل اعبارهـا
من غروب الشمس لين انبلج نور الصباح=مامرحت من ماهجدها ولاامـرح جارهـا
جارها يوم أذن الفجر صلى وإستراح=وهي على ما صابها واصلت مشوراها
وجدها بالمثل وجدي على ظبـي البـراح=درةٍ وسـط البحـر مفـلـسٍ بحـارهـا
العشير اللي بعـد راح معـه القلـب راح=وافترق شمـل الأحبـه بـدون اخيارهـا
ياعذولي كـف عذلـك وكـف الأقتـراح=مقدر اسكن في ديـاراً ماهيـب اديارهـا
لو شوتني نارها ليـن تنجحنـي نجـاح=ابرك الحزات يـوم احتـرق فـي نارهـا


..

--------------------------------------------------------------------------------



--------------------------------------------------------------------------------

--------------------------------------------------------------------------------





مساجله مع سعد بن غازي






يقول الشاعر / سعد بن غازي


قلبي لشوف الوضح توميبـه النـود=اللي سنـه مـا شفتهـا غيـر مـره
هن رغبتي فالصفر والشعل والسـود=و هي سلوت الخاطر وللعيـن قـره
وضحن اليا طبيتها جتني ورود=تقـول وحـدتهـن عليّـه تشـره
من البطا ماهو من النقـص والـزود=وانا غلاهـن وسـط قلبـي مقـره
لو غبت في قلبي غلا الوضح موجود=في واجبٍ مافيـه شخصـن يغـره
مارحت سايح يـم حامـد ومحمـود=سياحتي نجد وصحـاصيـح بـره
دار الكرم والطيب والعـز والجـود=وربعٍ لهم في صفحت المجد جـره
من شم ريحت نجد ماعنـه منشـود=لو يشتكي مـن زود بـرده وحـره
لاجاه ليلٍ كلـه بـروق ورعـود=وقامت مواخيـر السحايـب تغـره
ودارت قصايد شاعرٍ يمدح الـذود=وقمنا عـلى المنكـوس بيتـه نجـره
اليا سمعت أبياتـه الغفـل ياسعـود=تصير عنـدي كـل الابيـات مـره
جواهـرٍ ماجابهـا كـل مجهـود=راع الهوايـه لاسمعـهـا تـسـره
نفخر بشعـره بيـن سيـد ومسيـود=الله يجيـره مـن صواديـف شـره
عبد الله النايـف ذرا كـل مضهـود=لاشانـت اخـلاق الوجيـه المكـره
عنزت معناها علـى نايـف الطـود=شيخٍ طواريـق الغـلا ماتـغـره
غلا البكـار اللـي نهديـه ويـزود=وضحى شناحٍ تشعف اللـي تمـره
عيديةٍ عجله عسـى عيـدك يعـود=بالخيـر وايـام الفـرح والمسـره






مردود الشاعر / عبدالله بن عون


بيت القصيد اللي على الدال مشدود=مـن شاعـرٍ فالـغـرب لله دره
ما طمّنه راعيـه لمغـازل الخـود=نجل العيون اللي هواهـن مغـره
نبي نرد لطيـب السـاس مـردود=وناخذ مع الهاجوس فـره وكـره
يامرحبا ما هوبـل الـرود للقـود=وماشيف من نجمٍ بحضن المجره
باللي مساجلته على الكبد قرهـود=والمدح يمّـه كـل سلكٍ يجـره
تغيـب عنـا يابوسلطـان وتعـود=وتشوف وضحٍ حبها لـك مبـره
عن غيرها تمتاز بارقاب وخـدود=وتذكر غلاها وسط قلبـك مقـره
اللي يماريها مـن الغبـن ملهـود=غير الذرور اللـي بعينـه تـذره
تضوي بحضن ام المناشير وتقـود=يم الشعيب اللي عريضٍ مجـره
واد الهييشه زال ما لولـح العـود=ولا للنعيـم وللنجـد فيـه جـره
لاجا لمكنانـه عناقيـد وعضـود=يبني على العرّا سنامٍ وسـره
ولا في غيابك ياابيض الوجه منقود=في واجباتٍ ترفع الـراس حـره
غيبتك مع شيخٍ له الجود مشهـود=كـل العتيبـي تنفعـه ماتـضـره
ولسان حال الشعب ماقاله سعـود=(ياليتنـا بينـه وبيـن المضـره)
صبرك يابوسلطان والصبر محمود=الوسم جـا حلـه وسيلـه تحـره
ونبي نشوفك جارك الله من الكـود=في وسط بيتٍ كبر فنـدق مسـره
فالمجلس اللي قد عزمنا به العـود=وجيناه فيه امـرار ماهيـب مـره
مافيه يومٍ ماعقـر فيـه مفـرود=وبابه على مصـراع للـي يمـره


..

--------------------------------------------------------------------------------

مساجله مع نجر ابن فيصل






البادي / عبدالله





يا نجر انا حاولت اجنب هوا الغيـد = وعيت يدي لا تطلـق مـن شعفتـه
وعمرت له بالنفس يا نجـر تخليـد = لعلي اقضي ما بقـا مـن حسفتـه
أثر العرب معهم مع العلـم تاكيـد = عـودٍ قسـى ماتنتـعـدل هدفـتـه
وبالصدفه اللي ما سبقهـا مواعيـد = وفالموقف اللي ليتنـي مـا وقفتـه
عرضت شناح الطول ممشوقه الجيد = اللي بهـا مـن قايـد الريـم لفتـه
يانجر عـادت لـي ليـال التواديـد = واحيـت بقلبـي ذكريـات شعفتـه
ومن عقبها ذقـت العنـا والتناكيـد = وسهر الليال اللـي يطـرا عرفتـه
واليوم ابا ارفع لك من العلم تسنيـد = حيث ان رفع العلم يبـرد حسفتـه
يالشاعر اللي مـا تـدوس المناقيـد = وصرح الكرامه معتلي في شرفتـه
ويوم اني اسند لـك وافنـدك تفنيـد = قـدام ذا جربـت غيـرك وعفتـه
ماتنتـنـوخ للحـمـول المفـاريـد = وجنيف انا وش حاجتي في جنفتـه
يانادر مـا فـي هـدادك تصاديـد = فعلـه ينومسنـي لـو انـي كتفتـه
مانته هذاك اللي ليا ازرا عن الصيد = عود علـى راعيـه ينقـل علفتـه
انا ادري انك يـا نزيـه المواريـد = فنجال عـذري الهـوا قـد رشفتـه
عشقك هو عشق الفاضلين المحاميد = اللي حصيلـه مـا يلاقـي كلفتـه
وانا ليا جا مـن طرفـك المراديـد = اما هجـرت العشـق والا ردفتـه
واقبل تحياتي مـع اطلالـة العيـد = باللي عليك مـن المكـارم عطفتـه
واغلا نقود سيـق مـا راح بزهيـد= لو البضاعـه غاليـه مـا صرفتـه





رد/ نجر بن فيصل






حلو الهدايا من يديـن الاجاويـد = من الكريم اللي بسط لي صحفتـه
عبدالله اسند لي من الشعر تمهيـد = لبس الشرف عيدت به والتحفتـه
واختصني من بد كـل القواصيـد = قصده يعبر عن ظروف صدفتـه
وهجدتني فآخر صيامي مهاجيـد = واشتلت حملٍ فوق متنـي نسفتـه
وشكى علي وزادني منـه تعقيـد = راي يناسبـنـي وراي حذفـتـه
راي الهدا يامجرد السيف تجريـد = كمل على مشوارك اللي نصفتـه
والحب قبلك ساق عنتر وابا زيد = وانته بعدهم يابن عون استضفتـه
ورقيت فوق وفي سنامه مجاويـد = وبنيت له صرح رفيـع وسقفتـه
ذكرتني باللـي جرالـي تراديـد = عهد من الماضي وحلـفٍ حلفتـه
والله ما اخبر لك عن الحب تجليد = لو عنه يوجـد لك عـلاج وصفتـه
وليا حصل فيضة ربيـعٍ وتجديـد = زان الطرب واللي تبا العين شفته
وانا ثلاث سنين لا انقص ولا ازيد = ارخيت في حبل الشداد وجعفتـه
قالوا علامك قلت يالربع ما اريـد = يوم الهوا دشـوه نـاس عسفتـه
والا انت حبك معتلي فوق وبعيـد = في راس عيطا ثابته مـا شطفتـه
واخفيت خافيها على زيد وعبيـد = والا ترى ما فيه ذنـب اقترفتـه
ما انته بعارضها لرمـاي وقعيـد = وخبل على النمه تزايـد رجفتـه
والناس فيهـم طيبيـن ومقاريـد = اللي يدق الصيـخ واللـي يعفتـه
وانته وانا مشوارنا يقطـع البيـد = وشوفي بعيد ومركز الخوف طفته
جنبت عن عرعر وحزم الجلاميد = وجنيف ما اعرف قوته من ضعفته
ويا وسع نجد ليا عطيت الجراهيد = والتمر يعرف طيبه مـن حشفتـه
ياللي علي تعمـد العلـم تعميـد = الراي جاك وسرها مـا كشفتـه





!!

--------------------------------------------------------------------------------



عسى السحاب اللي على كان يافهيد=من غرب يجتاحه رياح" بشده
وإليا تقافا كنه الريم شريد=مايعترض ممشاه ريح" تصده
أبيه يطمن يم دار الأجاويد=وأول هماليله على سيف جده
ويمتد له من سيف جده تماديد=ويركد هواه ليا قرب من مصده
شمال من جده لحزم الجلاميد=وجنوب من جده شروره تحده
مدة كريم" مال جوده تحاديد=ليا عطى مايقدر أحد" يرده
وأبيه يسقي نجد من غير تفنيد=ماكفته ريدا ليا المستجده
وليا غدا لأرقاب نبته عناقيد=مافيه ألذ من الرخا عقب شده
يطيب كيف مخازرات المفاريد=اللي لها بقلوب أهلها موده
وإن صادفت محدار وألا مسانيد=دايم وهي للأوله مستعده
وإن صار محش جنوب وألا تواعيد=وألا هجيج" يتبعه طول شده
محصان عندي سبقته كنها العيد=ونبا نعدلها من اليوم عده
بوضح" تبارا كنها ذاير الصيد=ماتقضب المقطاره المسمهده
اللي يجيك مزايده فيه تزويد=إن زاد زد له وإن تراجع تعده
واللي يوسد حامض العلم توسيد=ماعاد له مشروه لوجاه ضده
الله على قدام بعد وتباعيد=من يقضبه في سهلة" مجرهده


يتبع

--------------------------------------------------------------------------------

،،

--------------------------------------------------------------------------------



--------------------------------------------------------------------------------





واطيري اللي / ما تحدّد طلوعه=لاعتني الفجعه / على ضيعته لوع
أخذت عنه / وتلّ سبقه بفوعه=على خريشٍ / ناحرت لأيسر القوع
تنحّرت مبدا سهيل / وطلوعه=وصارت لي الحرّه / عن الطرد قاموع
وقفت بالدربيل / أخطّف سنوعه=وأخفيت شوفه / يصعد الجو بطلوع
أبيه يرجع / مير صعبٍ رجوعه=أصيح وأرمي اللوح / في كل مرفوع
لين الدماس / أضفى علينا قنوعه=وأنكفت مثل اللي / به السلم مقطوع
وأمسيت هاك الليل / نفسي جزوعه=والقلب كنّه / من محانيه مشلوع
مانيب يمّ الحكي / من حيث نوعه=من وجهه يمّي / فلا هوب مسموع
بس أكهف الماء / والتوجّد قدوعه=لازل قرطوعٍ / تليته بقرطوع
ضاعت به اللي / فالمتاقي خدوعه=ربداٍ صغيرٍ حجمها / طايرة شوع
في قلبها قد عقب الطير / روعه=من خلقتي / ماشفت لطيارها نوع
الله يلوم الطير / ما أقشر طبوعه=أنا أشهد إن خيار أساميه / مقلوع
لو كان تمشي له / برسم المطوعه=فالجو يبدي له / ثمانين مشروع
لابد مايفجع / خويّه بلوعه=ويغيّر الموضوع الأول / بموضوع
هذا وأنا أمشي له / بنفسٍ خضوعه=مثل الحشيم / اللي له الأمر مطيوع




يتبع

--------------------------------------------------------------------------------




يادحيم لوشفت شعوىٍ / شفتها اليوم=تلعب بعشاق الهوى / لعب دامه
وضحىً عليها / طابع الحسن مختوم=والملك مرسومٍ / عليها وسامه
غزيزة اللي يصفق / القوم بالقوم=شقحىً يقلّدها / العقيد العمامه
لو شفتها صامت / عيونك عن النوم=وألا بعد قامت / عليك القيامه
يوم أنت في تلعات الأرقاب / ملحوم=دايم / وطلعك فوق ناض العدامه
مقسوم / وألا كان مانيب ملزوم=عقب إدخلن السوق / شفت الندامه
ماني بقاصدها / ولاشك مقسوم=عرضة صدف / بالسوق مع ريم رامه
قابلتها بالسوق / والسوق مزحوم=ولا حصلّي عن لقاها / إنهزامه
أغضت بنجلٍ / صابت القلب بسهوم=مال المولع / من سهمهن سلامه
بغيت أناديها / ليا فوقنا حوم=وذليت / من بعض اللغاء والشتامه
وأنا على الهسّات / مانيب متهوم=والسلم الأول / ماأقدر أخلف نظامه
تردعني الشيمه / عن الشوم واللوم=وأخاف من شيٍ / يمسّ الكرامه
وأقفيت قلبي بين الأضلاع / مجزوم =جزم العسيب / ليا تقارب صرامه
من عقبها يادحيم / والقلب ماسوم=وسمين / والثالث بكبدي علامه
وسم الدواسر / مطرقٍ عرض ورقوم=هذي كواياهن / على القلب شامه



يتبع

--------------------------------------------------------------------------------








يا كان من ليلة على أرضك تساويت=عيّا وفاقك لا يلايم وفاقي
لو كان فالضيفان ما قد ترديت=وجوّك متيع و تعتني بالطراقي
من يوم طبيتك و أنا ما أسفهليت=لعلّ ما يبقى لأهاليك باقي
حاولت أوسع خاطري فيك و أزريت=بيني و بين أطباع أهلك انشقاقي
واليوم غاية رغبتي لو تمنيت=فرقاك و أنته ما تبى إلا فراقي
واللي على بعده من البعد حنيت=وينتابني عقب الحنين اشتياقي
نجد وهواه و شوف هاك السباريت=اللي لها في وسط قلبي رواقي
ومنادمة روس الرجال النعاتيت=كل أبلجٍ له فالطويلة مراقي
ولا أحدٍ يواخذني ليا قلت هاويت=وضح ٍ تفرق ما اجتمع من ضياقي
وضح ٍ ليا منّي من المدن مليت=معها انشراحة خاطري وانطلاقي
أما ليا سندت و ألا ليا انحيت=مع درب براق ٍ سراله شعاقي
برق ٍ سرى يوضي كما يوضي الليت=بعروض نوٍ ساق مزنه وساقي
وتعرضه من رايح الشرق تثبيت=يثني على الريّض أرقاب السباقي
ليا شفت براقه على سيله أرهيت=بيضٍ مراهيشه مطرها حقاقي
تذبح لها حي ٍ و تحيي لها ميت=وتصبح به الوديان مثل السواقي
وأما تحاسنت العساسه و عسيت=ومشيت مع سيله و نبته دقاقي
وألا على دربه ليا أصبحت شدّيت=وخليتها تاطى الحثم و الرقاقي
وضح ٍ ليا احتست و شافتني أنويت=قامت تسوق أنفوسها ما تساقي
تنجال مثل الصيد لا صحت وأوميت=وألا ليا طق اللبيد العراقي
يجيك ممشاها تبارى تفاخيت=مافي بعضها عن بعضها انفهاقي
ولو حال من دون المعشى مراريت=ترهي عليه معربات العماقي
من ساس وضح ٍ فالجزيره لها صيت=على مخاذعها تلوح الحلاقي
وليا تثنت في نبات السواريت=في خايع ٍ لأرقاب نبته زراقي
غادٍ بوسطه لأم سالم زغاريت=وفيه الزبيدي مثل بيض الطواقي
ثم جيت فأولها وللنار شبيت=وقضب عراقيب الدلال الشلاقي
ما اغبطك ياللي فالحضاره تلّويت=يا موالف الجدران ويش أنت لاقي؟؟
لو كان فالحصن الحصين استكنيت=وتقول أنا مرتاح مانيب شاقي
كانك على هالأنطواى استمريت=وسوّيت مع بث القناة اتفاقي
أما من السكر شبعت و تروّيت=وألا بصرك أوشك على الاحتراقي
سج النفس واضرب دروب الخراريت=لو ما تذوق مع الخلا ما يذاقي
ما ينطوي في غرفة ٍ فأخر البيت=غير الذي راسه يبيله عراقي




يتبع

--------------------------------------------------------------------------------

...

--------------------------------------------------------------------------------

--------------------------------------------------------------------------------


مساجله مع هتاش الهروال ..


البادئ / هتاش ..


عسى اللي فات ياعيني كفايه = من التعذيب ويصير النهايه
جزمت انساه لو ذكراه حلوّّه = جزمت اودعه واقفي ورايه
ابا اهدم مابنيته عام الاول = واجنب درب من بدّل غلايه
بعد ماأخلصت له من دون غيره = جزاء الحسنات بالتالي بسايه
غرير ٍغرته دنياه مدري = عليه اثر كلام اهل الوشايه
مقاريد العرب في كل ديره = وضايفها تروج بالدعايه
ليا سمع الخبرحضرت حداهم = حكوبه كلهم مثل الروايه
عناصرهم على البث المباشر = قناة ٍتشتغل من دون غايه
يشيلون الزعل في قلب صاحب = يقول فلان مني ويش جايه
ماخبرفلان مني جاه زله = اناوش قلت ويشنهو خطايه
تذكرويش قال وويش سوّا = غدى في صفحة التفكير تايه
وشكا لله من ما أوحاه سمعه = وتغير من بعد تلك الحكايه
وقرر يبتعد ويقول خله = بعد ما اوحيت لقيته قفايه
وكل ٍراح واقفى عن رفيقه = بنا للغيض في قلبه بنايه
ترا الاسباب هراج النميمه = كما وضحت في نص البدايه
وانا من حمد ربي والثناله = مع النمام ما اسجل سرايه
ولاله مجلس ٍعندي ابيتي = ولاشاركت مثله هالهوايه
انالي مجلس ٍ بين النشاما = زحازيح ٍ تفيد بكل شايه
رياجيل ٍتصدر كل وارد = هل الطولات والطيب اجلاسايه
اورد وردهم والصدر معهم = وبين عصيهم تضرب عصايه
ابا اكتب بإسمهم في كل بيضا = وابا اقرا طول صوتي بالقرايه
لو أن الوقت يدحمني بجنبه = صبرت وللعرب ما أبدي خفايه
صبرت وقلت لابد الليالي = تبسم قدم وجهي فالمرايه
ترا الشدات تتبعها اليساري = ويبين النور من عقب انطفايه
ولابه رجل ماذاق بحياته = قسى الايام عقب الارتخايه
واناجربت والتجريب يغلب = على تعليم واطباب ووقايه
من التجريب يطلع كل عارف = ماأحد العرف من دون اسننايه
لكني ذقت من وقتي تعايس = عرفت ابها نياشين الرمايه
ضحكت فجور وابكتني ضهاري = وفقدت الضحك في تالي ضحايه
نهار ٍفيه عندي راس مالي = والاخر فيه ماأحصّل عشايه
ونهار ٍفيه مقيالي بفيه = والاخر فيه مدركني ضمايه
على الاقدام جري ٍفالصحاري = واخف اقدام رجلي من حفايه
قطعت بحور وجبال وفيافي = وحيد ٍ لاسلاح ولاحمايه
ادرهم نوب والانوب دوبي = ماعاد القا الجهد واضلم سمايه
سواد الليل يضويني ويقفي = يجي ويروح ما يعطف علايه
وقفت من الدهر مكسورخاطر = صدوف الوقت لاعنت ٍثوايه
لكن اخترت ملفاً للرساله = ابونايف ملاذي ياذرايه
لياجا العلم ابن عون ووصل له = يدبرها على كيفه ورايه
عريب الجد من روس ٍتسما = ليا ناديتله يسمع ندايه
تخيرته على الروقه وبرقا = عليه اسندت واشهرت معنايه
واباختمها بذكرالله واكرر = صلاة الله وتسليمه نهايه
على محمد نبي الله رسوله = هدانا الله على دربه هدايه




مردود عبدالله ..



رهين اليل مقصيّ ٍ قصايه = ولابه من يقاسمني شقايه
وحيد ٍ لامجيب ولامنادي = ينابيني ولايسمع نبايه
خليّ الهم غرقان ٍ بنومه = وانا متعكّر ٍصافي صفايه
يغيب نجوم ونجوم ٍتبيّن = وانا مازلت في راس مغزايه
امضّ اليل مع شتّى هجوسي = هجوس ٍ رايحه وهجوس جايه
احسب اني على المردود مرهي = لاشك مع الاسف كمل رهايه
ليا حصلت عند الروس مقصد = مريكا ينقطع منها رجايه
ولوثمنت في بعض المعاني = يبا ينقص عن الوافي وفايه
بعد برقت في معنا القصيده = ودرسته من خلايه في خلايه
بقاله صورة ٍ فالنفس حيه = تراودني صباحي مع مسايه
ولو تفسير بعض الامر غامض = وانا للغيب ماعندي درايه
تحريت القريب من الحراوي = وطلع شمس خلت عني دجايه
وتبيّن مقصدي والحمدلله = وسيرته على حسب انتحايه
ودريت ان العتيبي ماشكالي = = على حسب الدعايه والفوايه
شكالي من ضروف ٍ كارباته = بشكوىً ماينصيها سوايه
مثل ماخصني من دون غيري = يقول انخاك يا خير اعونايه
وانا عيناه في كل الدعاوي = ولو ما سدّ عن حالي عطايه
بعد ماحطني ملفا الرساله = عنه ماوالله اذخرمن قوايه
وعلى طاري مراسيل النمايم = وشاة السو مافيهم عبايه
يحبون التحسس والتجسس = مباحثهم تغطي كم ولايه
يزيدون الكلام وينفصونه = شناة ٍ خير اساميها وشايه
ترى ربي ذكرهم في كتابه = وبيّن فعلهم في نص الايه
هم الهمازه اللمازه اللي = يحبون الاشاعه بالشنايه
لواهم عنك ياهتاش مقفي = بعيد ًعن لواك وعن لوايه
عسا ربي يخطريناخطرهم = اناوانته وربعي واقصرايه
واناقد قلت يالهروال كلمه = من اشعاري وانا فـ اول صبايه
ترى بعض العرب قربه مغثه = يجيه عن السنع مثل العصايه
يعاملني بسلم ٍماعرفته = وهو ما هوب من شكل اعملايه
مثل وأصل والمثل ماهوب يمّك = تطمن يابعيد عن الدنايه
ولاقلته على حسب التفاخر = على العرّاف لو طاب امحاويه
ولو شبري مع العرّاف راهي = وربعي صارف ٍ عنهم ردايه
أنا وشلون ابا ألقى الصافي اللي = ليا ارضيته تجّهد في رضايه
ولو حتى بتسنيد القصيده = مساجلته على غاية منايه
وأنا أغلي لي من الشعار واجد = تغلغل حبّهم داخل حشايه
وهم يدرون لو ماسايلوني = مدى مجرى غلاهم في دمايه
يجوز أن المحبة ميزتهم = على الباقين من روس ازملايه
وابه شعار واجد بالحقيقه = تقوس الشعر بأطول من رشايه
لبخص حقوقهم مانيب عارف = ولاعندي على هذا جرايه
وأقول الشعر ياهتاش متعه = ليا وافق هوى أصحابه هوايه
وأنا من ضمن ناس ٍ ينظمونه = ولا أضمن لاخطاي ولاقدايه
أوّفق للهدف صدفه وأصيبه = وبعض امرار ياكبر مغدايه
وأبا اختمها بذكر اللي رجيته = نهار البعث يدمحلي خطايه




يتبع ..

--------------------------------------------------------------------------------

ورطنا ورطةٍ / ماتنتدارك = بمزرعةٍ / عساها ماتبارك
نفود ٍمن ورى / وادي الدواسر = ذكرها طيب الذمه / مبارك
ذكرها واحسب انه / ناصح ٍ لي = يقول اشتر / وانا وانت نتشارك
عرض لي فكرةٍ / معها خديعه =وقال العلم يرجع / لاختيارك
وتوكلنا على الله / في رجا الله =وانا سلّمت / ومبارك تدارك
ثلاث سنين / ماجاني حصيله =وهو عن جيّتي / قام يتوارك
وتباطيته / ودورته / وجيته = وقلت انته / وراك ابطت خبارك
واجاب بقول / مزرعةٍ كليفه = بعيده / عن وطنك وعن ديارك
وانا بعطيك راي ٍ / لا يفوتك =براس المال بعها / مستشارك
وقلت الله يبارك لك / ولكن = تراني يامبارك / فانتظارك
ولا ابي من مالك الا / راس مالي =وعساها يامبارك / لك تبارك
وثلاث سنين / مع درب الاوايل =وانا ويا مبارك / في معارك
ليا مني نصيته / مالقيته = الا لاعادك الله / من مشارك
اجي داره واوقف / عند جاره = واقول لجار داره / وين جارك
ويجيب بقولة / الجيران واجد = بلا تفنيد / خلك في مسارك
واقول اقصد قصيرك / طير شلوى =مبارك / قال منه احفظ زرارك
ترى عملتك / للمشفوح مثله =تقلل من مقامك / واعتبارك
كذوب / يواعد العالم / ويخلف =عرفت العلم / قلت اربط ****ك









مساجله مع سعد العريفي







يقول / سعد




البارحه ما غضت العين برقاد = ارعى النجوم وراح ليلي سراميد
بأسباب مجمولٍ من العام ما عاد = مع ضف بدوانٍ تنحو به بعيد
اول صدف جاني على غير ميعاد = وصارت قلوب اهل المحبه شواهيد
في ساعةٍ جاني على العد وراد = و وقفت لين اقفت ضعونه عراجيد
وعزيت من قلبه مع البدو وداد = من كثر ما يمشي ضعنهم على البيد
ما شفهم في شف زارع وحصاد = يمشون في شف البكار الملاهيد
اقفوا بخلي في هواء شقح الاذواد = تطوي رهاريه العبال الجراهيد
اتلا العهد في صاحبي غض الانهاد = فيما تفرق فيه عليا وابو زيد
واليوم ما اعرف منزله بالتوكاد = وقامت تغظ العلم ناسٍ مقاريد
ودورت فوق الجيب لين الكفر باد =وارزيت من كثر المشاوير و وحيد
وابى ارفع الشكوى لشجعان الاولاد = واشكي على روس الرجال الصناديد
اشكي على قرمٍ كريمٍ له امجاد = عبدالله النايف شجيع الاواليد
تنشر له البيضاء على روس الاشهاد = غصبٍ على كل الرجال الرعاديد
يا عبيد قرب موترٍ يدني الابعاد = من وارده ما ركبوا فيه تقليد
خله من البنزيم يا عبيد يزتاد = وعط الزفلت ولا تجنب عن السيد
اسرح طلوع الشمس يوم الدبش قاد= العصر في حايل والك فيه تبريد
عن بيت ابو نايف موقف ونشاد = والا تدل البيت من غير تنشيد
بيتٍ لشجعان المناعير ميعاد = ذولا مصاديرٍ وذولا مواريد
وان جيت عند الباب يا مسندي ناد = ويجيك عجلٍ ما يعرف التصاديد
سلم عليه وبخصه بالتواكاد = جعله بخير ولا يشوف التناكيد
واليا نشدك وسير الهرج وانقاد = عطه العلوم ونقد الهرج تنقيد
هرجٍ صحيحٍ لا نقص به ولا زاد = ولاخير في هرجٍ يجي فيه تزويد
وقله سعد ضده من الوقت ضداد = يشكي صوابٍ مبطي عنه ومعيد
رمحٍ صطابه في صميم الحشا جاد = ورمحٍ يهدد به من العام تهديد
ورايك عسى رايك يدله للارشاد = حيث ان رايك فيه الاسداد ومفيد
وعجل بمردود الخبر يا بن الاجواد = ترا حلاة البر عجل التراديد



مردود / عبدالله بن عون




هاضت هجوسي يوم ليل الملا هاد = والنوم جاله عن عيوني حواسيد
وغديت انا ويا الهواجيس بجهاد = واحترت بين الحادره والمسانيد
ولا طاوعت شرد المحاريف تنصاد = شرد المعاني كنها شرد الصيد
اقفن كما صيدٍ عثى فيه صياد = صاد الجسام وشرد الشرد تشريد
كله من اسباب الشكاوي والاجهاد = ومشاغلي ومراسلات القواصيد
شكواً لفتني من سعد موسها حاد = كلف عبيد ابها من الناس تفنيد
ليت الهواء لك يا سعد كان ما عاد = ولا اشقيت في روحك ولا اشقيت بـ عبيد
شعتك هيماً كنها ظبي الاجراد = فتانتٍ من مخلفات المواعيد
هيماُ نباها يبري امراض الاجساد = نوبٍ ونوب يسرد القلب تسريد
تنقض جديلٍ من على المتن كداد = يضفي على مثل الفناجيل قعيد
غدت على قلبك بتحيار واقياد = وطاح الحيا واقفوا عربها سناجيد
انته مقيم ولين العود شداد =مع ضف اهل بوشٍ عطوبه جلاعيد
سمعوا وشافوا نوض بارق و رعاد = واوعز لهم روادهم بالتواكيد
واصبح ضعنهم طلعة الشمس مداد = ولا امسوا معشاهم بعيد التحاديد
ما ينزلون ليا مشى النشر وإنقاد= الا ليا جاء للاضله تساويد
ضيانهم فالليل ترفع للارواد = واتلا دبشهم ما يجي الا مهاجيد
كم خايعٍ عشبه تساقيه الانواد = للربل فيه وللشقارا عناقيد
قفرٍ سبل عشبه مع النود مياد = غادٍ بوسطه لام سالم زغاريد
زاروه بالوضح المراديم الاتلاد =حم الشعاف مخازرات المفاريد
ادنى حراويهم مجاذيم الانفاد = وما طمنه عرعر وحزم الجلاميد
راحوا بعد حطو معاليقك ابداد = عقب البراير عقبوا فيه تنكيد
وبقيت في نيران هجرك والانكاد = والظاهر انك يا سعد ما انت بسعيد
ولا ادري وش اللي ولع الحضر بالباد = لو هو على ما قيل موضه وتجديد
واليوم كان الراي اله فيك ميراد = وعلمي تضمه يا حريب المناقيد
لا تشتقي بالباديه وانت قعاد = بينك وبين البدو بعد وتبعايد
كم واحد قبلك غزاهم ولا فاد = واصبح سواة مضيع العيد بالعيد
دور و تلقى لك مع الحضر وداد = يغنيك عن ظبي الحماد اتلع الجيد
وان ما لقيت مع الخوالد له انداد = دور وتلقى من مقادم بني زيد
واليا تهيا رز رايات الاعياد = وخل السعاده لك تغني زغاريد

--------------------------------------------------------------------------------







اليوم زار لصيد الأفكار عساس=جاني وروحي طربةٍ مسفهله

بأعلى رواب السوده اللي لها ارواس=اللي على ساحل تهامه مطله

شم الجبال اللي إليا هب نسناس=أشفى بريح ورودها كل عله

دارا تباهت بالبها مالها أجناس=جوٍ لذيذ ومنظرٍ ما تمله

وصفتها عذرىً لها روح واحساس=مصيونةٍ ما راودت كل زله

مجمولةٍ تزهى جميلات الالباس=وإلها من الباري ديانه ومله

شامت لمن هيّا لها رفعة الرأس=الصافي الوافي نزيه الجبله

ولا ألومها لو عاشقت طيب الساس=خالد عسى من لامها به فداٍ له

بيديه قلّدها عقودٍ من الماس=وأومت بكف العز في طاعة له

مطلوبها عز ومعزه ونوماس=وبيت المعزه مايريد المذله

وهيّا لها عن زيف الإزعاج حراس=يا من بها السايح وهو راعيٍ له

وعسى مصيف يجمع الناس بالناس=الممطرات من السحايب تعله

--------------------------------------------------------------------------------





ياطيـر عقبـي كـن خاطـرك شـايـن = خاطرك شين وغيبتـي عنـك يوميـن ؟
النقـص فيـك مبـيـنٍ لــه بـوايـن = في لمعـة الريشـه وفـي ناظـر العيـن
ياطيـر انــا ويــاك كـنّـا خـدايـن = وبينـي وبينـك ولـف ومعامـلٍ زيــن
يـوم نتخـاوى مـع وجيـه الضعـايـن = ونهمل سبوقك في مناكـب ( خسيريـن )
ولاّ ( شمـال الهضبتـيـن القـرايـن ) = شرقي ( طلال) .. ومن ( سواحيق) ويمين
ولإ عطيـنـا سـكّـة ( التـابـلايـن ) = ولاقـد عطينـاهـا عليـهـن حـراذيـن
نصبـح علـى طـارات شهـب المكايـن = بيـن ( العراقييـن ) و ( الأردنيـيـن )
فـي خايـعٍ بـه كـنّ عيـنـي تعـايـن = ربد الحباري بـه علـى أربـع وثنتيـن
ونأخـذ لنـا أيــامٍ بـذيـك الدفـايـن = مابيـن برقـع والـغـدف والبسيتـيـن
ونكسـر علـى ماينحـدر مـن ضوايـن = وناخـذ هنـاك أسبـوع والاّ سبوعـيـن
وننكـف نشـاط وسالميـن الصخـايـن = ولـوّ كـان نتعـب عدنّـا مستريحـيـن
قــدّام يطـلـع للصـقـاره زبـايــن = نـاسٍ تحـوش القوبعـه بـأم روحيـن
ليـا روحــوا بمشحـنـات الخـزايـن = مـافـي نحـاهـم ذوّقــوه الأمـريـن
والـيـوم مابيـنـي وبيـنـك مـدايـن = أنا سعودي وأنـت جـايٍ مـن الصيـن
وأمّــا لقيـنـا للحـبـاري عـوايــن = والاّ تـوادعـنــا وداع المـحـبـيـن
الـوقـت ماتالـيـه معـنـا بـزايــن = والبرّ في حادور مـن حيـن فـي حيـن
أدنــاه ملـيـانٍ كراتـيـن ( فـايـن ) = وأقصاه ضاق وضيّقوا بـه هـل الضيـن
وضاقـت مناهـج طيبـيـن الضغـايـن = اللّي علـى المقنـاص بالطيـر ضاريـن
واليـوم كـان اللـي يحاكـيـك مـايـن = هـذي سبوقـك وأنتهـض بالجناحـيـن
وهاجـر مهاجـر مبـحـرات السفـايـن = للصين والاّ أهبـط علـى ضلـع قزويـن
لـو كـان مـا عنـدي فراقـك بهـايـن = حنّـا عــزاز ولانهـيـن العزيـزيـن
خلّـك تــروح ولاتـشـوف الغبـايـن = شاملـك عفـوٍ مثـل عفـو المساجيـن



يتبع ،،

--------------------------------------------------------------------------------


--------------------------------------------------------------------------------



--------------------------------------------------------------------------------

.


مبهارة ٍ فنجالها يقعد الراس = البن فيها والبهار متواسي
مجموعة ٍ فيها المعايير بقياس= افضل علاج ٍ للسدر والعماسي
يديرها فرخ ٍ مربيه قرناس= مافيه عن هدأت أبوه أنتكاسي
من ماكر ٍ تشفق على طيره الناس= من راس أبوه.وراس جده.وراسي

--------------------------------------------------------------------------------


ياللي تسوم الوضح ماهيب للبيـع=اللي يوسـع خاطـري لاتسومـه
دور وتلقى البيع عنـد الطماميـع=اللي تصفـي كـل يـومٍ بيومـه
ويش اتسلا بـه ليـال المرابيـع=لا نـاض بـراقٍ ثقـالٍ غيومـه
لاقالوا الحاشي علـق فالطواليـع=والسيل عساسـه عطانـا علومـه
بين هجر العجمان ومطير وسبيع=عشـبٍ تفتـق للعشايـر كمومـه
عشبٍ يجيله فالمسـارب تناويـع=من قطف زملوقه ماهيب محرومه
نبـي نخليهـا تـذب المخـاويـع=ونقدالها مقهورهـا فـي يمومـه
من قصر ابن ملحم معش المجاويع=اللي تسابـق للفضيلـه عزومـه
من سيرته فيه المدايـح مطاويـع=ومن يمدح الممدوح مااحد ٍ يلومه
للبال عنده كـل ماضـاق توسيـع=الله يوسع لـه ويبـطـي بيـومـه
يفدونه اللـي ماوراهـم مطاميـع=جند ٍ طرايقهم ماهيب مهضومـه
نوعية ٍ مامـن وراهـا منافيـع=تجار لاشـك اليديـن محزومـه
وضحٍ بعد مقياضهـا فالمشاريـع=ماشط من بعـد المعشـى تهومـه
لاروحت مثـل البنـي المفاريـع=وعيالها خلف الرحول محكومـه
تنسف على ايسرها خشوم الترابيع=والعتش الاول تنزعج مع ثلومـه
ناخذ من السجات معهـا قراطيـع=لين مهموم القلب تذهب همومـه
تطرق عمايمنا هبـوب الذعاذيـع=ونلقى حياة ٍ فالقصور معدومـه
لاقربت صفـر الـدلال المهانيـع=وغدابهن لمخلـط الكيـف عومـه
في خايعٍ فيه الزبيـدي مصاليـع=والربل والملاُح كاسـن حزومـه
هذا هوى بالي وبـاق المواضيـع=النفس عنـه مقيـده ومخزومـه
والرابح اللي مدرك ٍٍ ذبت الريـع=وله سمعة ٍ عند الرجال محشومه



يتبع ..

--------------------------------------------------------------------------------





مساجله مع العطاوي


البادي / عبدالله




الله من قلب ٍ همومه تلامسه = بيدينها في كل ليل ٍ تخامسه

مايتركنه ليل واحد من الشهر = ولهن عليه إليا إنتحى الليل رامسه

وروح ٍ بنيران المحبة تحرقت = عليها الغرام مصولباتٍ محامسه

وعين ٍ ليا جا القلب يدله تذكره =عنودٍ تجدد مادرس من روامسه

ليا عرضت خطوا هنوف ٍ مخفره = حورية التوصيف بالزين طامسه

تجر ذعذاع الهوى في شليلها =كما وردة ٍ في مدرج السيل غامسه

في فيضة ٍ ريح البختري عطورها= ممطورة ٍ مثل أمس واليوم شامسه

ماطب فيها ألا بعض شرد المها = والطير توحي في طرفها هوامسه

فلا عاد أجيد السالفة مع منادمي = كن النهار بعيني الليل دامسه

ياواصل ٍ شاعر هوازن تعلمه = عن حالي اللي واهج الحب حامسه

ناده بصوت ٍ شاهر ٍ لين ينتبه = وقله رفيقك مخلب الهم لامسه

وأنا خابره كل الصعايب يرومها = على النوز ماتخط الضرايب نيامسه

تكفا يابو نواف روحي تعلقت = في واحد ٍ عنها الرجا الياس طامسه

وأخر ما أقوله لك ترى قلبي إحترق = كما لمبة ٍ فيها السلوك متلامسه

من واحدٍ ماهوب ياوي ليا كوى = كوى القلب بأربع وألحق الكبد خامسه






مردود الشاعر / عبدالرحمن العطاوي




لاباس ياشاكي من الهجر والنيا = يشكي هوى خلٍ بعادٍ مرامسه

لجيت من شكوى خليلي من الهوى =وأمسيت فكري غارق ٍ في قوامسه

وشلون أجاري راعي الفن بالمثل = وخيول عزمي سابقتها عرامسه

لبيت صياحه وعجلت فزعتي = وفرسان جهدي من عناه متعامسه

ونخيت عواني على الشعر واسكتوا= صم المسامع والنواظر طرامسه

وقعدت كني را هب ٍ وسط صومعه = إلا ما إنتحى ليلي وقفت خرامسه

وأمسيت كني راعي الذود فالخلا = وأصبح بدال إبله قطيع الجوامسه

في مهمه ٍ قفر ٍ خلي ٍ بلاقعه = حافي وخالية ٍ من الما ترامسه

يابن عون مبلي الهوى كل ما إنكوى=وأصبح بكا من جور يومه على آمسه

تعبر بقيس وماجراله من العنا = تمخلا بقفر ٍ عاري ٍ من دهامسه

فالصبح يقفي كنه الوحش فالخلا =وفالليل عجل ٍ يم ليلى هرامسه

كل ٍ يبي يقطف من الورد ماحلا = لكن دون الورد يوذيك نامسه

وأنا أقول ياراع الهوى وادع الهوى = ليا صار دونه كاثرات ٍ كعامسه

ليا صار مالك حيلة ٍ في مواصله =وجرح المحبه في ضميرك مغامسه

إرم العزا وإترك يابن عون مابقا = والتيل لا يجرح مشاعرك هامسه






يتبع ..

--------------------------------------------------------------------------------







بالله يالطاروح لا تطرح الطير=خل الوحش لا توجعه بالمهادي
خله بمضياحه بروس الشناظير=بالخد ولا في ارجوم الحمادي
يشيخ في رايه ورزقه بتيسير=ويسلم من البرقع وتل القيادي
وانت اكسب الراحه وخل المخاسير=اليوم شبك الطير عود اجهادي
الا ان ابوتركي ذكر تلة السير=وطراله المقناص وقت الهدادي
فانت اجتهد له بالطيور المشاهير=طوال الموامي بارزات الثنادي
وعليك باللي كن لونه لهب كير=الصافي الهجر العريض السنادي
وألا ابيض من وافيات المغاتير=في وصف طير جابه العام هادي
قاصر محل السبق وافي التشابير=الصدر بادي والمواسي احدادي
عوق الطيار العازمات المعاشير=يلحق ولو ان الطيار امتمادي
لاقفا يهز الريش هز ّ البواكير=وروس المناكب منهن الصدر بادي
يعطيه حقه طلعت الشمس وعصير=اليا هب ذعذاع الشمال البرادي
مع درب وسمي ٍّ قفنه شخاتير=نداير ٍ يدرج بهن كل وادي
فيها الخضار مولع له تباشير=مثل النميلي في عروض الكدادي
لا قوضن الربد منها مدابير=وتركزن بالجو مثل الجرادي
هده وقام يصخر الشرد تصخير=كنه عقيد ضاري بالمعادي
وان كان ضايقهن وجوهن مخامير=مستذريات في جنوب العرادي
ذولي مدابير وذولي مناحير=مثل الخدوش اللي عليهم بيادي
خذولهم غفلة بعزل ٍ وتطيير=وما طار منهن موعد ٍ بالنفادي
وزمالهم من لذة العام تذكير=وكثر المزايد بينهم والعنادي
والريش غادي بالمفارس دعاثير=يلعب به النسناس حول المصادي
وهاذي تراها طربة العمر يا امير=وزرع العمار مواعد بالحصادي
ولا قلتها والله ولي مقصد ٍ غير=الا حياتك والسلامة مرادي
وانا بخير ولاحصل منك تقصير=لا شك ابين مايكنه فؤادي
ياكثر ما تنفق يدينك من الخير=وهايب تملا كبار الايادي
ومن جاك يلقى له معزه وتقدير=كنه مفرج يوم زار المهادي
والطير والله طيرنا ياصقاقير=طير الفلاح اللي طلوعه ابعادي
حر ٍٍ تسلسل من علو ّ المواكير=من غير تعلوم ٍ اليا هد صادي
من موكر ٍ طيره يصيد المشاهير=لباسه الغيرة نهار الطرادي
متسلسل من راس حبس الطوابير=عبد العزيز اللي على الكل سادي
مروي شباء حدب السيوف البواتير=ماله بفرسان الجزيرة ملادي
لاعنتر العبسي ولاسالم الزير=وعلى ذياب وفعل ابوزيد زادي



يتبع ..

--------------------------------------------------------------------------------

--------------------------------------------------------------------------------





آه من قلبٍ عيوفٍ تولع في عيـوف=لين صده بالهوى عن طريقه واحرفه
العيوف اللي عيوني لغيره ماتشـوف=جادلٍ مطغيه عقله وزينـه واشرفـه
العيوف اللي وداده يلوف القلب لوف=لوف عاصوف الهبايب لغصنٍ بشرفه
في محلٍ بيـنٍ للزوابـع والشعـوف=كل ماهب الهوى قام يومي بطرفـه
غاديٍ عقب الورق حت عيدانٍ وقوف=لو يجيه اللي يحاضيه ماعاد اعرفـه






يتبع ..

--------------------------------------------------------------------------------




مساجله بينه وبين الشاعر : عبدالله بن متعب السميـّّح



يقول السميـّّح /








طـفــح كـيـلـهـا يالله يـالـواحــد الـمـعـبـود=تـعـيـن الـحـزيـن الـلــي سنـيـنـه يكـابـدهـا

حـزيـن تعـابـيـره سبـكـهـا بمـنـطـق عـــود=بـعـد شــاب مــن جــور الـحـيـاة ونكـايـدهـا

علـيـه السنـيـن القـاسـيـه سيـفـهـا مـجــرود=وهـــو بالـعـزيـمـه والـتـجـلـد يـجـاهـدهـا

ولـكـن غـثـا دنـيـاه فــي كــل يــوم يــزود=ولـولا الرجـاء بــك كــان قــد راح مــع يـدهـا

لحـيـث المصـايـب لا تقـافـت عـلـى المـظـهـود=عـلـيــه الـمـنـافـذ بالـغـبـايـن تـسـددهــا

ولــو همـتـه تصـمـد لحـيـث الليـالـي الـسـود=لـيــا طـــال حـرمـانـه بـالاحـبـاب يفـقـدهـا

برحمتـك يـا مــن لــك جـبـاه العـبـاد اسـجـود=بعطـفـك اجـيـوش الـدهـر عـنــي تـبـددهـا

وانــا الـلـي طمـوحـي للمعـالـي بــدون حــدود=فـلـكـن اشـــوف الـنـفـس طـــول تـلـددهـا

اقــود الامــل رغــم العـوايـق بعـزمـي قـود=ابـنّــي بـهــا احـلامــي وقـتــي يـشـددهـا

إلـيـن انـهـدم حيـلـي وانــا الـطـارد المـطـرود=اتـحـدربــي الـدنـيــا لـيـاجـيـت اسـنـدهــا

اشـوف الحـيـاة ابــلا طـمـوح وهــدف منـشـود=بـــلاده ومـــوت الـنــاس يـعـنـي تبـلـدهـا

وانـا اشـوف بعـض الـنـاس مـعـاد منـهـم فــود=ولــكــن لمصـلـحـتـه ادوربــــه يـعـبـدهـا

تخـالـف نـفـوس الـنـاس كـلـن ولــه مقـصـود=وهـــي حـكـمـة الله والـخـلايــق تـوكـدهــا

احدهـم يبـا المعـروف لــو شــال مـنـه الـكـود=ونفـسـه يــرى مــا يسـعـد الـنـاس يسـعـدهـا

ونــاس ٍ عــن الـواجـب ولــو يـقـدورن ارقــود=ولــو صــاح صـايـح مــا تـخـلـي مـراقـدهـا

واحـد عايـش ٍ فـي ضــل غـيـره بــلا مجـهـود=تـمـتـع بـهــا مـخـلـد وخــالــد يـبـردهــا

ورجـل ٍ علـى مـا قـيـل جــوده مــن المـوجـود=يـبــا الطـايـلـه لـكــن حــظــه يـبـعـدهـا

ولاكــل سـيـد فــي جمـيـع الامــور يـســود=ولا كــل مـــن قـــاد الـضـوامـي يـوردهــا

وراعــي المعيـبـه لــو عيـبـه علـيـه اشـهـود=يـشـوف المـعـايـب ثـــم يـجـيـك امتهـبـدهـا

وحيـاة المنـافـق فــي زمـانـه اسـهـود مـهـود=ولا هــــو يـنـصـرهـا ومــــره يـهـودهــا

ولا بــد مــا تطـلـع عـلـى غـايــة الـمـقـرود=خفـايـا النـفـوس الـعـفـن تـظـهـر مقـاصـدهـا

ولـولا الحيـا كـان النـقـاء فــي الـعـرب مفـقـود=ولا يـرفــع الحـسـنـاء الجـمـيـلـة تـمـردهــا

ولا زلــت اقــول الخـيـر فــي وقتـنـا مـوجـود=اسـلــوم الـمـعـرفـة بـاقـيــات شـرايـدهــا

تـذكـرت لسـهـوم الـدهـر فــي حـشــاي اورود=ونـفـسـي غـريـبـات الــطــواري تــراودهــا

رفـيـق شـمـال افريـقـيـا بـالـوفـاء مـعـهـود=وانـا فــي ارجــوم اطـويـق شـكـواي اذاودهــا

وحـيـد بتـالـي اللـيـل مــن واقـعـي مـلـهـود=وداعـي الـوفـاء يهـتـف لا ابــن عــون سنـدهـا

اديــب ٍ سـمـى بالشـعـر عــن سـاحـة المنـقـود=معانـيـه جـــل الـنــاس تـحـفـظ شـواردهــا

لـو انـه علـى الجزلـه مــن اهــل الحسد محـسـود=حـسـوده يـمـوت بـغـيـض مـحـتـال ينـقـدهـا

يجـيـب القصـايـد بالـحـكـم عـقـدهـا مـنـظـود=ودايـــم عـــن الـشـعـار يـبــرز تـفـردهــا

نـهـار ٍ عرفـتـه فــيه جـعـلـه عـلــي يـعــود=مــلاذ الرفـاقـه لا اشـتـكـت مـــن شـدايـدهـا

رحــل مــع كـريـم ٍ موقـفـه بالـكـرم مـشـهـود=مـلــم الـرجــال الـلــي انـــزاهً عـقـايـدهـا

اخــص الامـيـر الـلـي تـوشـح وســام الـجـود=تـقـول انــه الشـيـمـه والاوصـــاف والـدهــا

انـا اثنـي ونـايـف بـيـن كــل الـعـرب محـمـود=وسمـعـت حـلـيـف الـطـيـب فـعـلـه يفـنـدهـا

امـيـر شـمـخ بـيـن البـرايـا شـمـوخ الـطــود=سـيــاج الـبــلاد ودفـــة الامـــن جـودهــا

بــلاد سـمـت بالـديـن مــن نعـمـة المـعـبـود=مـعـالـم مـدنـهـا فـــي مـنـابـر مسـاجـدهـا











مردود أبو نايف /








بعـد مـا انصـرم هـود مـن اللـيـل واقـبـل هــود=والاونــاس هــاد بـهــادي الـلـيـل هـايـدهـا

وفــد مــن هـجـوس مبيـطـات ٍ عـزيـب وفــود=حـضـر سبـرهـا واحـيـيـت لـيـلـي لـوافـدهـا

هجـوس ٍ ليـا امـسـا اللـيـل منـهـا يــرود اورود=عـلـى تيمـهـا المعـتـاد لــو مـــا نـواعـدهـا

توافـد و تحـضـر مــن بـنـات المـواهـب خــود=اشابـيـب عـنــي ضـيـقـة الـبــال تـطـردهـا

انـاجـي بـهـا روحــي واحـضـر بـهـا الـمـرودود=عـلـى السامـيـات الـلـي سـمـيـي مشـيـدهـا

مــن الخـاطـر المنـقـاد والـهـاجـس المـقـيـود=بـنــات الـمـواهـب قـادهــا مـــع مـقـاودهـا

اليـا طـب غالـي الـسـوق مــا يشـتـري بقـصـود=مــن الـجـرج والـواحـد والعـشـريـن ينـقـدهـا

سبكـهـا وقـلـدهـا مـــن المثـمـنـات عـقــود=ونهضـهـا وعـلـق فـــي نـحـرهـا زمـردهــا

وكـسـاهـا مـــن الـريـحـان والياسـمـيـن اورود=والاخــلاص مــع صــادق شـعـوره مسـانـدهـا

ودفعـهـا وخـلاهـا تـخــاوي هـبــوب الـنــود=عـلـى يـمـةٍ يـمـي مــا هـــوب امتبـاعـدهـا

رهـاريـه ريــد ٍ مـــن وراء جـرهــد مـمــدود=يـجــي دونـهــا لـلـرجـل بـيــدا تـبـيـدهـا

ولفتـنـي وصــارت مــارد الـخـاطـر الـمــارود=مواويلـهـا دايـــم عـلــى الـنـفـس ارددهـــا

اردد مـواويــل لـهــا خــاطــري مــشــدود=تـغــذي المـشـاعـر لـيــن عـيــد معـيـدهـا

مــن الصـافـي الـلـي للـوفـاء مـركـز ٍ مسـنـود=عـــراوي الـصـداقـه بــالايــادي مـجـودهــا

ابومتـعـب الـلـي للـوفـاء فــي سـمـاه بـنــود=سلـيـل اســـرة فـعــل الـمـكـارم عـوايـدهـا

يـقـوده لفـعـل الـجـود مـيـراث ابــاء وجــدود=رجـــال ٍ تـصــد الـــذم عـنـهـا محـامـدهـا

هــم اولاد عـاصـم مشعـلـة كـاحــة الـبــارود=لاشــبــت الـهـيـجـا وحـمـيــت وقـايـدهــا

ميامـيـن قــوم نـاصـرو دولــة ابــن سـعــود=هـــداة ٍ تـشـيـل اكفـانـهـا فـــي مـزاودهــا

لـيـا جاء نـهـار ٍ لاشـهـب المـلـح فـيـه ارعـــود=تعصا الـمـهـنـد والـنـيـامـس تــجــنــدهـــا

نـهــار ٍ يعد لـطـيـب الـخــال فـيــه اعـــدود=والانــذال فـيــه اعـزومـهـا مـــا تمـجـدهـا

يقـلـون مــال النـفـس عــن يومـهـا المـوعـود=لـيــا جـاء قـدرهـا مـــا حـذرهــا بـزايـدهــا

الايــا رفـيـق ٍ مالـنـا عــن جـــزاك اصـــدود=حسانـيـك فـيـنـا كـيــف نـحـصـي عـدايـدهـا

تصـبـر عـلـى دنـيـاك لــو حيفـهـا مـوكــود=ولــو زايـدتــك اعـــرف لـهــا لا تـزايـدهـا

تـرى الـزود فيـهـا نـقـص والنـقـص فيـهـا زود=قـريـب ٍ لـــك الله نقـصـهـا مـــن زوايـدهــا

متـاهـات مــا فيـهـا ســوى طـاعـة المـعـبـود=تدابـيـر مــن فـضـّل عـلـى الـرسـل سـيـدهـا

والانـصـاف ومعـاشـر فـهـود ٍ عـيــال فـهــود=والاعــراض عــن نــاس ٍ ردى الـحــظ فـاردهــا

فــداك المـريـد الـمـغـرض الـغـايـر الـنـمـرود=مـكـبـر مقاطـعـهـا ليا غـــاب شـاهـدهـا

هــذاك الجـحـود مضـيـع البـيـض راع الـســود=ابـــو مـعـجـزات ٍ كـــل عـــام ٍ يـجـددهــا

قـريـب الـمـدى مـالـه عـلـى الطـايـلات ازنــود=حـلـيـف الـــردى كـــل الـرذايــل مـوالـدهـا

لــو انــك تفـصـل فـوقـه الـجـوخ والـمـاهـود=مـسـاويـك مبـديـهـا وحـسـنــاك جـاحـدهــا

هــذوب ٍ يجـيـب الكـذبـه اكـبـر مــن المـفـرود=ولــو شافـهـا اكـبـر مــن طمـيـه تبـرجـدهـا

يـصـور علـيـك مــن الـدواهـي بــدون قـيـود=وابــو داهـيـه مــن يامـنـه لا يجـيـب ادهـــا

اعــد الـوكــاد وحـكـمـة الله لـهــا مـــورود=وجــيـــه ٍ يبـيـضـهـا والاخـرى يـســودهــا

لــو إن الـهــذوب لـيـا هـذب قـيــل يـا ســارود=مـتــى السـالـفـه حـــدد زمـنـهـا وحـددهــا

درى انـه عـلـى التـكـرار مهـمـا نـجـا مصـيـود=ولـــو قـالـهـا مـــره مــعــاد يـتـعـودهـا

ولا اقصـد ولـد سعـدي ولا اقـصـد ولــد مسـعـود=قـــلاده ومـــن تـرهــم عـلـيـه يتـقـلـدهـا

واخـتـم بـذكـر مسـيـر الـمـاء بـوسـط الـعـود=إله ٍ خـلــق لأمـــة مـحـمـد محـمـدهـا




يتبع ..

--------------------------------------------------------------------------------



-----------------------------------------------------------------------------------------------------------------------------------------------------------

--------------------------------------------------------------------------------




يا أهل الطيور اللي تصيد الثلاثي = تحطيمكم لأكبر عدد مثل الأضغاث
لو تجمعون ذكورهن والأناثي = أكبر عدد ماحطمه غير عباث
النادر اللي بالهدد مايثاثي = لا فرّعه راعيه ما هوب لثاث
عباث في زرق الغلب يوم عاثي = كنه عديم ٍ له على الهوش حثاث
أدلى بربد ٍ في غلبها بغاثي = للريش من كفه على الروض بثاث
وألحق ثمانية العشر بالمعاثي = وأضحى له التفضيل بالفعل ميراث
عذناه بالرحمن مشفي الغلاثي = عن كل شيطان ٍ للأسباب نفاث
طير الكريم اللي جنابه دماثي = من حل فيه أسقاه ديم ٍ وهثهاث
ماهوب لحلوح ٍ حشاط ٍ حثاثي = أخير ما يثمر بحرمل وجثجاث
شيخ ٍ بصكات السنين العباثي = يحيي قديم أمجاد قوم ٍ بالأجداث
عساي ما أستعرض عليه المراثي = آمين ياحي ٍ للأموات بعاث
لا قيل منهو قلت مبري وعاثي = نايف ملاذ اللي له الوقت غثاث
المستغيث إليا إلتجى وإستغاثي = عنده يغاث وخير أساميه غياث




يتبع ..

--------------------------------------------------------------------------------






أرقام أهل الصيد ماهيب تنهاش=لطيور نايف سجلت بين قوسين
عباث هد وصاد من برق الأرواش=عشر وثمان وزود حواش ثنتين
ومانافسه في مركزه غير بطاش=من كف نايف صاد واحد وعشرين
هده ضحى ومفرعه كنه الشاش=وأمسى وهو متشارك فيه لونين
على كفوفه رايب الدم غطاش=كنه خضاب ٍ في كفوف المزايين




يتبع ..

--------------------------------------------------------------------------------






يارشيد ليتك شفت مركاض مطفوق=من زين طرده مايبي له جهازي
شمروخ فرخ ٍ فيه لأهل النظر ذوق=أمرع دقاق الموس والصدر نازي
ليا نسع زوره كما زور دانوق=وروس الموامي جالهن إهتزازي
بشر خريش الربد يارشيد بالعوق=ليا لحقها غادي ٍ لي توازي
وليا صفقها فالخضيراء نزى فوق=وجاله على رأس الجناح إرتكازي




يتبع ..

--------------------------------------------------------------------------------




بينه وبين العطاوي

يقول / عبدالله





ياعين ياللي كن يلطمك عاير=والنوم عنك مغيباتٍ سبوره
لك وقت مازارك من النوم زاير=كن المداوي حاذف ٍ بك ذروره
ماهوب عشق ٍ فالبني الخداير=والا جفيـّا قوم والا ضروره
سهرك على بعد النديم المساير=ما أنتي بسالية ٍ بليا حضوره
مادام ابو نواف يم الجزاير=على عيافك للنعاس معذوره
من يوم غاب وهاجس الفكر حاير=وكن الرياض محاربتني قصوره
انا على المسيار يمـّه مصاير=اشفق من الصايم لعيد الفطوره
اجيه قلبي ممتل ٍ بالحشاير=ولا افقد مزايم ضيقتي لين ازوره
متى تجينا يانزيه السراير=ريف الرفيق ليا شكا لك عسوره
يامن بنى لرسوم حاتم مناير=بروح ٍ على بذل الخساير صبوره
لا قطبت شهب السنين العساير=يمناك بـأفعال الجميل مخبوره
ياشيخ يشكي لك غليل الضماير=على غرام ٍ زل وقته ودوره
متى تعود ايام غرّا وباير=وابو عمود ليا غشنـّه زهوره
ليا ادلى عليه من الوسامي نداير=براق مزنه يفضح الليل نوره
وانته معك خطو اشقر ٍ ما يخاير=عقب الوحاشه صاير ٍ به جسوره
يشوت خطو الخرب دارج وطاير=كما يشوتون اللواعيب كوره
نبي نجددها على الحول داير=ودرب ٍ نبيه يسمح الله اموره
يقوله اللي ماحسب للتجاير=وتجارة تقصر عن الروح عوره




رد / العطاوي




كبرت يابو نايف عليك الصغاير=ونفسك من الضيقه عليك محشوره
ان كان عينك نومها عنك طاير=عيني بعدك الدمع الازرق تفوره
ياشيخ ياللي ماتدوس الوزاير=دنياك عن شف الجميع معسوره
لو هي على كيفي وكيفك تساير=كان جمعتنا دايم ٍ يالمجوره
نفيت حب منقضات الجماير=وعينك عليـّه بالسهاد مخشوره
العام تشكي من ظبي الزباير=وكبدك عليه من الغرام محروره
يشهد عليك مخاطبك للحضاير=في مربعه هاك السنه ياخو نوره
تشكي على مرشد قوي النصاير=دامي غرامك لين هاجت بحوره
يوم ان طوفانه تعدى الحكاير=انكرت حب اللي عليك محجوره
وانته دموعك فوق خدك عباير=يا عبيد ودك قبل ازورك تزوره
عانك على كسرك تصب الجباير=على المحاني موجعاتك وسوره
دايم محاريفك صعاب ٍ صخاير=من مغنطيس الحب معنى وصوره
من ذاق من حب العذارى عزاير=يور الجلد والنفس منه مخطوره
لو من يحبه ذاق منه النكاير=دايم وزلات الحبيب مغفوره
والصيد باق ٍ له ليال ٍ قصاير=ودحيم في شفك يدهل طيوره
كانك تبي فرقا طوال العماير=ودك بصيد ٍ مخلي في قفوره
اعزم عسى دربي ودربك سفاير=وطرقتك من مرشد تصير محضوره
نجد العذي مدهل سهاف العشاير=ماحدرت سفوه لوادي سروره
فيها لقلبك يابو نايف ذخاير=ونفسك عليها بالغبون محسوره
ومرشد على سيف البحر بالنقاير=دون الدبادب ماتعدى نشوره
يمه هجوسي كل يوم ٍ سباير=تقود نفس ٍ من غلاه معموره
دايم وقلبي يم ابو سيف طاير=مثل الربيب ليا دعوه بنقوره





يتبع ..

--------------------------------------------------------------------------------




بين مرشد البذال والعطاوي وابن عون


يقول / مرشد


قال الذي بيض الصحايف شهايده=ونفسه عن انكار المعرفه محايده
واقدر الاصحاب وافخر بقدرهم=والهرج يكفي صامله عن زوايده
واشوم للعليا واصاحب طيورها=شوقي عليها سلك الاعجاب قايده
مني لابو نواف جزل التحيه=تحية ٍ في عيد الاضحى تعايده
الا ياسلايل روق يامنقع الوفا=تشكر بذكرى صاحبك ياسنايده
مني على راع الوفا مرجع الثنا=اسباب شرح ٍ مدرجه في نشايده
وعز الله انك من رجال الشهامه=هذا هدف قلبي وهذي عقايده
وعنك الصحافي لو يبا العلم مني=كتبت بالخط العريض بجرايده
والا ياشريف السلم يالصاحب الوفي=ربعتك ومشاهدك للقلب مايده
انا اقول خفف يالعطاوي من الندا=ملواح قلبي صوبكم لاتزايده
انا لو تساعدني ظروفي نصيتكم=ولكن ظروف الوقت ماهيب جايده
انا اريد والله رادته فوق رادتي=ولا اريد شي الا ان الاله رايده
زماني شبكني بالشبيلي وغلقه=بقفل ٍ من الفولاذ صبت حدايده
شبكني زماني شبك حيد ٍ محجز=عن المثار محجزات ٍ عضايده
والا فانا مع صاحبي كل مانوى=على الرخا والا بحالة شدايده
ابا اترك الماضي وابقنع بحاضر=يابا النفس تدله مير ماهيب هايده
ياليت يرجع لي من الوقت مامضى=سنين ٍ مضت لو كان ماهيب عايده
مانيب غاو ٍ هدة الطير فالخلا=بالخايع اللي مخضرات ٍ بجايده
مافيه كود الطير ياصاح والمها=هذي مراتيعه وهذي مقايده
ولانيب ناس ٍ شبة النار عتمه=في وسط بيت ٍ ناهضاته عمايده
اشوف الدلال اللي طوال ٍ عنوقها=تصلى على جمر ٍ تلظى وقايده
وتلقى النشاما جالسين ٍ بربعته=وكل ٍ يعبر من كلامه فوايده
ابيهن وحال البعد بيني وبينهن=طريق الرجا من دونهن سد سايده
ماغير ذكراهن عذاب ٍ لخاطري=مثل الشفوق اللي تذكر ودايده
وعندك خبر بفراق غال ٍ توده=يهمك عقب لاماه لوعة فقايده
ودنياك مادامت لحي على الطرب=زمانك ولو صافاك تونس زهايده
يادحيم لو دامت لحي ٍ بوصلها=شره عليها اللي لياله ضدايده
وكم شيخ قوم ٍ عقب عرفه وهيبته=فارق هواه وفرق الله بدايده
هذا وانا اطلب لك دوام المعزه=وعسى وقتك المقبل تفوز بسعايده
وطاريك في قلبي بنومي ويقضتي=وهذا الكلام اللي صحيح ٍ وكايده
وعسى كل عام نجدد العهد بيننا=ناخذ من العهد المسمى جدايده
وانا اشكر على ولد العطاوي واشجعه=على حفظته مبدا الشرف عن نقايده
وان كان في حبل الصداقه مقاضبك=مسكت في طاهر كفوفك جوايده
وكان الشهامة قسمت بين اهلها=ترى مسهمك منها خزيزه وعايده




رد / العطاوي




تعبت مع قلب ٍ طواريه زايده=دايم وهوماته ورى الحد نايده
قلب ٍ عنيفات الروابع تجاذبه=وينقاد معهن في سنع كل كايده
اليا عن ّ في صلفات الارياء ولجّ بي=قامت تبعث من حسوسه لهايده
اقفيت عن صخب المدينه مع الخلا=صحاصيح دو ٍ مقفرات ٍ طرايده
بدن ّ اربع ٍ وسهيل شفناه بينهن=وراع الولع نجم السويبع وعايده
ليا زل عقب سهيل خمسين ضاويه=تحدر سحاب الوسم وارخى قلايده
ليا قامت ارياح الهبايب تساوقه=لابد ماتوحي تزاهم رعايده
وادلت على مقناصنا العام ندرى=واستتبعت مع دربها كل جايده
قدام نتبع شف سلمان يمها=مرو رفيق ٍ مشتهين ٍ معايده
يامرشد البذال يمك يقودني=غلاك في قلبي قليل ٍ ندايده
ان كان تتبع شف غاليك صاحبه=واخذ اشقر تدم الحباري صوايده
خلك تشوف الريش بالروض منتثر=على خضرة الريضان مااحلى بدايده
ترى لذة الايام في هدة الوحش=خطاة اشقر ذبح الحباري عوايده
تمتع معي في لذة البر والهدد=واغنم غرام ٍ مابقا الا شرايده
جدد سنين قد مضت لك مع الولع=ان كان نفسك للمقانيص رايده
مادام انت جزت من الجوازي وطردهن=ولا عاد لك بملاقفة كل قايده
حق ٍ عليك موادعة ملعب الصبا=وتذكر زمان قد صفن لك خرايده
انا ضيقتي يارشد في داخل البلد=علي منها كبر شعر وفرايده
وتجلا همومي يوم اشرف بنيفها=خازر صدوق الطلع اميز شهايده
غلاص طلع ٍ ماطلب كل مااحترك=عطيب الاهاوي ماتكذب وكايده
اليا سمر بالطلع لا كن عاتقه=رقبة الحنيش اللي يراقب مصايده
ليا استتبع المسباق من مشرف النبا=على بطن خور ٍ مخضرات ٍ كدايده
فيه الدجاج الربد والخرب دونهن=كنه عراقي ٍ يحوّش رفايده
وادلى عليه مبدد الجول واضربه=ولقيت الفواد مظهره فوق صايده
وغدا لنا في باقي الجول معركه=انا وابو نايف ومعنا الرشايده
كل ٍ يقول فعول طيري معديه=ومن اعجبه طيره رفيقه يزايده
وليا تعشت كل باقي طيورنا=ترى شبتك للنار بالروض فايده
ندرج على الفنجال الاشقر مزوحنا=والخرب راع القدر ينتف لبايده
هذا يسلينا عن اللي مضى لنا=من الغي حيث الغي كثرت نكايده
حر ٍ مع الاحرار والصيد والعذا=دامي جروح القلب هذي ضمايده
ومنادمة مرشد وبن عون غايتي=تودع هواجيسي عن القلب هايده
ابو نايف اللي رفقته ماتغيرت=وابو سيف دونه مانحتني بعايده
ابو سيف عد ٍ كل من ورده ارتوى=ليا نشفت من كل رس برايده
فهو كنه الهداج يضرب به المثل=اعاف القصيد ليا طرت لي قصايده




وابن عون



بديت الجواب اللي تقافت جدايده=على القافية والوزن اصخر شرايده
جواب الاديب اللي ليا درج المثل=تخير جسامه وابتعد عن زهايده
جواب ٍ يعرف اللي معه عرف قيمته=جزيل المعاني سالم ٍ من نقايده
على سيرة المقناص والمشي بالعذا=دليله على قطع الخرايم نشايده
وانا اقول ياراع الولع قرب الفرج=وليال الاناسه جت على الحول عايده
عسى من يلوم مولع في هوايته=على هدة المقناص فارض المحايده
يلومونه اللي يسمعون بجريمته=على كل شرح ٍ ماتحسب عدايده
يلومه ضعيف ٍ ماتعدى حليلته=ولاافخت براسه راسها عن وسايده
تدور السنه ماغاب عنها ولا اتقى=عن الشوفه العليا تردت جهايده
ولا فيه ليل افخت بعينه سمارها=كبير الخدوش اللي عراض ٍ فرايده
ليا اصبح سرح للسوق يشري فطورها=مساريح مسيود ٍ مطيع ٍ لسايده
أخذها يبا الراحة وجا خادم لها=عسى جنس هذا يعقم الله ولايده
قبيح الكلام اللي ليا منه اجترى=على عرض غافل قام يسرد سرايده
وان قلت له مخطي على الهرج بالقفا=درعت بنشب يا لله انك تهايده
يمثل لعنتر بالشجاعه وبالفخر=وهو لو تجيه الارنب اخذت فوايده
هذا يالله انك لاتكثر نمونته=وليا مد جعله ماتثني مدايده
فلا ناقص حي يفارق نزولهم=وحي يبي يلفيه ماهوب زايده
اقوله وانا مالي مع الخبل ملتزم=ولاهوب رايدني ولانيب رايده
غرامي رجال الجود والمجد والوفا=اهل ماقف ٍ يثنا عليه بحمايده
خطاة ابلج عرضه نزيه عن الدنس=شريف السجايا صافيات ٍ عقايده
هذا مثل ابو نواف في كل ملزمه=صبور على جور الزمان وشدايده
زميلي بكربات ٍ تصعب حلولها=يعالج مرضها لين تركد ركايده
عسى الله يقرب منزله حول منزلي=سنادي ليا احتجته وانا ايضا سنايده
وانا اشوف لي ناس ٍ تردى نصيبهم=ليا من واحدهم تكاثر رصايده
تلوى على الدنيا وهي ماتدوم له=الارواح منزوعه والاجسام بايده
والا يانديب العرف ابا أنصحك واعتبر=بجيل ٍ فنا ماداومت له رغايده
محو مابقى الا ذكرهم مع رسومهم=مثل حلم ليل مرمسات ٍ عهايده
تمتع ترى الدنيا سريع دبورها=ومن صمدت بالعز شالت صمايده
هذا فعلها فيمن خلق رافع السما=عليهم تراب البيت ترجد رجايده
ابا انصحك ياللي غافل ٍ عن هجومها=تراها ليا دارت لك الوجه صايده
وترى مالك الا سبعة اذرع من الكفن=بقبرن غويطن مظلمات ٍ لحايده
لاشك اغتنم ماطاب لك من نعيمها=وريح ضميرك من مصالا كمايده
ليا صار عندك رغبة ٍ مثل رغبتي=ترى البر والمقناص مافيه ارايده
انا كل ماجت نقلة الطير اصابني=لهيب ٍ بجوفي ماتفتر وقايده
ولا يبرده عني ليا منه استعر=سوى نقلة اللي صاملات هدايده
ليا شاف له جول ٍ على البعد حركه=صوت المهوهي من مذاري عرايده
اخذله خضيرا الجو بقياس وانحدر=وعطا الخرب راسه والدجاج متحايده
ان ناطحه حول عليه وتفرشه=وان طار مقفي ماطياره بفايده
مع اول مبادي مربعانية الشتا=ليا بكر الوسمي ونبتت جدايده
شمالي بسيطا من ضواين ليا الغدف=هذا ربيع القلب واسعد سعايده
بقفر ٍ خلا ماديس من عقب ماطره=ماغير الحباري فيه تقطف ورايده
بهاك السهال ليا غشاها خضارها=وغدا زاهر النوار مااحلى تمايده
انا والرجال اللي عزيز ٍ مجالهم=هل المنزل اللي عزز المجد شايده
ولاهيب رغبة من رعى فكره السهر=هبيل ربيبات المسارح رقايده
يحسب ان ماحد ٍ قد لقا مثل مالقا=وهو مالقا الا مايفتر زنايده
ليا اصبح لياهو عقب سهره وسكرته=كما سمل ثوب مابقا الا حرايده
يحسب انه الكاسب وهو خايب الرجا=حصيله ومجهوده خذوه الصعايده
وانا يالعطاوي وانت نرقب ونحتري=لشوف الرفيق اللي وساع بنايده
عسى مرشد البذال مايخلف الوعد=وعسى مزهي البذال يوفي وعايده
والا يابشير الخير بشر بشوفهم=بشارة شفوق شوف الاثنين رايده
واختم الجواب عداد مارفرف الطهب=صلا ةٍ على الهادي شفيع الشهايده
وعدد مااهمل الهمال والورق مالعا=على روس غيد ٍ ناعمات ٍ جرايده




يتبع ..

--------------------------------------------------------------------------------



لجتي لجـت خلـوجٍ تحنّـس بالمـراح ----تندفع وتعـود لا اتـلا العهـد بحوارهـا
حنجةٍ في حروته ماتبـي عنهـا مـراح ----ولالها مـن حيلـه إلا هميـل اعبارهـا
من غروب الشمس لين انبلج نور الصباح----مامرحت من ماهجدها ولاامرح جارهـا
ويوم قال مـؤذن الفجـر حيـا للفـلاح-----هملجت عينه وهـي ريـضٍ مشوارهـا
وجدها بالمثل وجدي على ظبـي البـراح---درةٍ وسـط البحـر مفلـسٍ بحـارهـا
العشير اللي بعد راح معـه القلـب راح---وافترق شمل الأحبـه بـدون اخيارهـا
ياعذولي كـف عذلـك وكـف الأقتـراح ----مقدر اسكن في ديـاراً ماهيـب اديارهـا
لو شوتني نارها ليـن تنجحنـي نجـاح -----ابرك الحزات يوم احتـرق فـي نارهـا



--------------------------------------------------------------------------------




جيب ٍ جديد ٍ ماتعود على الكلف = له عن رخيصات المشاوير كافي
ماقد تلوى في دركسونه الجلف = ولا في جميع محركاته خلافي
ولا عد في الطبلون عداده الا ألف = كثير وقته في البوايك وقافي
الا ليا منه طرا الطاري الصلف = عند اللزوم يشال عنه اللحافي
جيب ٍ تسابق قومته نقرة السلف = من مصنعه صمم لقطع الفيافي
بينه وبين مخافت أهل الهوا حلف = من جاه لو هو يشتغل قال طافي
لا يسمع البستم ولا يسمع البلف = الا مخالا ً مثل ماقال لافي
بيني وبينه مع فجوج الخلا ولف = عساس والا قدم عسم الخفافي
ليا سرح صدر النهار اخره يلف = أهل البيوت مرفعات الرفافي
أحفاد مرويّن المزاريج والشلف = يوم المصافق عند حم الشعافي
لين أستحلوا بالشفا مرتع الخلف = وضافوا على المشقوق الاسم الإضافي
قوم ٍ ظهور الخور لصحونهم علف = ذباحة المردم بوقت الجفافي
مجازر ٍ يجلب لها الخف والظلف = نقذة عرب يوم السنين العجافي

--------------------------------------------------------------------------------


--------------------------------------------------------------------------------

ثلاث ارباع شعر اليوم سامج = يحول حدر ربع وربع رامج


وربع ٍ دون ذاك وفوق هذا = يمثل مسرحيات وبرامج


ويبقى الرابع الربع المعذب = من التصنيف مع ني ٍ وخامج


هذا يرم الهدف ويطيح دونه = والآخر يطمر الجرفان عامج


تواجه كل ماتفتح مجله = سواد حروف ٍ اكثرها مجامج


قراح الشعر اظنه راح كله = مع اللي راح والموجود هامج

--------------------------------------------------------------------------------


--------------------------------------------------------------------------------







مساجله بين صالح الناصر وشاعرنا ..،




يقول الناصر :





الهاجس اللي بالتفاكير مدعوم=يروج فوق العد والعد عده
وده ولا وده على كسرة الحوم=واليوم لا بالله بالحيل وده
يوم انفتح للشعر بيبان وعلوم=باب المعاني لنفتح مانسده
اهج له قلبي وحييه بسلوم=واقف وداري خاطره بالموده
عساه يعطيني من الشعر مقسوم=وقافي على المطلوب يطلع مشده
اباسنده ال راس شاعر وزيزوم=بالشعر قد العلم والعلم قده
عبدالله النايف حجا كل مضيوم=اليا فزع درب المشقا يقده
هذا كلام" له دلايل ومفهوم=والرجل قول الحق واجب يعده
غايه وذي غايه بها العلم ملحوم=وانا الحقيقه ماقدر آقف ورده
شف لك طريقه وانت بالعلم ملزوم=سيف اللوازم بالمواقف نحده
لعل غازي لاسمع قافنا اليوم=يسحب قراره بين هده ورده
يهمنا غازي عسى القوم للقوم=ماشوف لي عن غاية العلم صده
سجلت لي خطٍ مظرّف ومختوم=مني وأبو نايف ينومس مرده








ومردود أبو نايف :





هب الشمال وجاب لي ريح يشموم=من شاعرٍ يلحق به العلم حده
ياصالح الناصر صدر منك مرسوم=وعليّ تعميمه بعد ماتعده
تبيني أفزع لك بعد صرت مزحوم=وحبلٍ تمده يابو ناصر نشده
ولو تصدر المرسوم ما يلحقك لوم=كود انتصدى للقرار ونصده
قرار غازي عقب ماصار معلوم=ملزوم أنا وياك ناقف ابضده
شعر النبط كنه على الوجه ملطوم=عقب النبا اللي كلنا مانوده
ياطيرنا اللي في الملمات صاروم=مايقدر الباشق يهد بمهده
ماتستضيح إلا على راس مزموم=تطلع من العارض على سيف جده
خلك وسيع ابطان لو تسمع البوم=ينعق على الخاوي بعد باح سده
من طاح خله جعل ماهوب مرحوم=حذراك لا ترفع عن القاع خده
عسى مهفه مع مهف أم كلثوم=اللي منوّل بالطرب مستبده
لاصار شعره ما يصحي من النوم=قله يكبّر حدر خده مخده
مواهب الشعار معطى ومحروم=وأكثرهم اللي قل عرفه يحده



يتبع ،،

--------------------------------------------------------------------------------


يا بري حالي صدق : (






ولـّي خلوج ٍ هايفت بي على النـّوح = يا وين ربـّي جابني في وعدها
جاوبتها بــ / النـّوح والصوت مبحوح = لين هجدتني يوم ربـّي هجدها
أنا تقول مصلـّب ٍ لي على لوح = والنـّاق صالبة ٍ على عظم يدها
أعول من الوجلاء على مترف الرّوح = والنـّاق تعول يوم قـّفى ولدها
يا ناق كان الولف صايبك بــ / جروح = ما صابك اللـّي صابني منه وأدهى
علي ّ من ضيم النـّياء ميل ورجوح = وعلي ّ هسـّات ٍ كثير ٍ عددها
منها السهر لين الدجى يفضحه ضوح = صبح ٍ حناديس الغداري طردها
ومنها لو ّ الحضـّار بــ / مزوح وفروح = قلبي مصد ّ وخاطري ما يردها
مع هاجسي كنـّي بــ / غبـّة بحر نوح = ولا أدري متى الشدّه تحلـّل عقدها
لولا دوجتي فــ / الخلا وين أبى أروح = يوم أتلهـّى بــ / الحرار وهددها
مع مهمه ٍ قفر ٍ به الشوف مبروح = أتبع هوى روح ٍ تقلـّص جلدها
لــ / أصيح صيحة من لقى أخوه مذبوح = في ساعة ٍ حضـّارها ما حمدها
حوّل عليه وقلـّبه ما معه روح = وأمـّه تلـّوى به قليل ٍ جهدها



يتبع ،،،

--------------------------------------------------------------------------------






يــ / البناخي كان لك قلب ٍ فطين = لا يفوتنـّك دروب الطيـّبين
يا فهد خلـّك على طاروق أبوك = لا تجنـّب لا يسار ولا يمين
إقضب الدرب الذي تكسب وراه = سيرة ٍ تلقا بها دنيا ودين
لا تغرّك لمعة الجلد النـّظيف = مثل ملسان الخدود النـّاعمين
إبتعد عنهم يــ / أخو مطلق بعيد = النـّعومه غيبها ماهو بــ / زين
واا سفا بــ / الأمل في بعض العيال = يوم صاروا لــ / التمدّن مايلين
الغريب اللـّي نشوف إنـّه غريب = النـّعومه في عيال الطيـّبين
ما دروا وش صار في وقت ٍ مضى = يوم يمسون النـّشامى جايعين
ما لقوا ما يآكلون إلا الجراد = وإن غزوا شالوا مزاهبهم طحين
والطـّحين أوقات وأوقات معدوم = وفي نكد غبر اللـّيالي عايشين
لا يغرّك يا فهد كثر زملاك = حاضرين وعن لزومك غايبين
لو تبي تنشد عن الأدنى تقول = وين راح فلان قالوا راح وين
تحسب إنـّه رايح ٍ يم ّ العراق = والعثير النـّوم غاد ٍ له قرين
قاضب ٍ فرصات نومات الضحى = يحسب إنـّه قاضب ٍ ملك الحسين
فارش ٍ له دوشق ٍ فوق السرير = والسرير ملـّحف ٍ له شرشفين
شرشف ٍ حدره وشرشف له غطاء = صاير ٍ بــ / أوصاف موضية الجبين
مير هي في بعض الأشياء أرجى منه = ما تبرّج عرضها لــ / الطـّامعين
جاعل ٍ في وجهها ربـّي حياء = تستحي والله يحب ّ المستحين
لا يعز ّ أمـّه ولا يفزع لــ / أبوه = ما يقول إلا إيش عالم ميـّتين
ما يشوف من السـّماء كبر البساط = مثل شوف الأرض عند أبا الحبين




يتبع ،،،

--------------------------------------------------------------------------------


بينه وبين عبدالرحمن العطاوي




البادي / عبدالرحمن العطاوي






ياسعود مقناصكم ماهوب معجبني = وطيوركم كلها مانيب ناقلها
انا هجوسي لابو نايف تشاغبني= وازريت ياسعود بن خربوش اجادلها
كثر المجامل يابن خربوش متعبني= خبرتك تنعاف حابلها ونابلها
صقاركم في مقانيصه معذبني = كنه يدور للارنب في مداحلها
لاشاف له جرة ٍ حول كما الحبني= وصقارة الناس فاشلته وفاشلها
لو ينشد الطير قال انه مخربني = وبرق الحباري من المفلا يجفلها
وليا نشدته يادوب انه يخاطبني= وهضاب الاوراس فوق الراس شايلها
وان كان خالد سواتي يونس الغبني = روحي عن اللي بها تكتب تنازلها
اللاش في خوته ماهوب غاصبني = واهل الجمايل نبادلها جمايلها
واللي فـ / ابن عون عبدالله محببني =يوم المخوه قضب طايل نفايلها
هداج تيما فضا جمه مغايبني= ورسوس الارياف يابسة ٍ بلايلها
ياراعي الطايرة شرق وغربني = عن دار قومٍ خبيثات ٍ دغايلها
من ضلع اجا مع رواق الجو قربني= للديرة اللي حليف الجود نازلها
عبدالله اللي ليا جيته يشببني = طب الكبود العليلة عن غلايلها
ياشيخ بيـّن لنا بيت الشعر مبني= في روضة ٍ لبست الزينة خمايلها
ودي بنجد العذيه مير يجذبني = يم ايسر الشرق مرباعٍ يعادلها
نبته تشاكيل تطربني وترهبني= ما ألوم انا الخس فيها يوم احللها
سيله يجوح النفود ويطرح المبني = طيحة كهف كن ميكاييل كايلها
ماظن احد فيه ياصالح يكذبني = اطناب نبته تلامس في تمايلها
ابحورالأشعار كاسبته وكاسبني= تعطيه دره وتعطيني هياكلها
لو هو بالأشعار ياصالح يكاتبني = شفت العجب من تعابير ٍ يسجلها
غلاه من محزمي للراس شاربني= مابي ولا جارحه ماهوب داهلها








مردود أبو نايف









يا مرحبا يا شذا مسك ٍ تلببني = مع رايح الغرب يوم اقرت علايلها
جاني به الرايح الغربي وطيبني = واشفى الضماير من اللي في دخايلها
شاعر هوازن مع الخنياب داعبني=واطفى لهيب الضماير قبل ياكلها
ياهاجس الشعر بالله لو تصاحبني = نبي نجار الفنون بما يماثلها
من حشمة الللي بزين القيل وجبني= يم الجزاير واهل حايل يراسلها
نديمي اللي خياله مايغايبني = رؤياه دايم وانا عيني تخيلها
لو هو بالاوراس شوقي له يجاذبني =جذب الدلي للضمايا من مناهلها
وانا مجارى فحول الشعر يتعبني = يا لله البس ثياب ٍ من سمايلها
وشلون اجاري الفنون اللي تلاعبني = حرفٍ بحرفٍ من اتلاها اليا اولها
جاريتها والفرح والرعب حاظبني = تقدير للي من اقصى الغرب حولها
حول فنونٍ تشوقني وتطربني = سواة نظم الجواهر في سلاسلها
وانا مجارا فحول الشعر يكربني = يالله البس ثيابٍ من سمايلها
يا من دعاني على شي يناسبني =كل المطاليب من شانك نكملها
بس اصبر شوي لين الشوق يطلبني= واهل العوايل تخلص من عوايلها
لو ابني البيت كان اصبح يعاتبني = يبي وجيه ٍتقابلني واقابلها
وانا هجوسي لها ايامٍ تناوبني = مع كل صوبٍ تشايلني واشايلها
والشرق راعيه عيا لايجاوبني = سماعة التيل من يمي مقفلها
والغرب راعيه للمظهار يندبني = يبا الاناسه ومرشد من كمايلها
وانا غرامي مع الاثنين عذبني = وازريت اعوبل شفوفٍ من يعوبلها
ابى اجمع لبشرق هو والغرب واذهبني = كود ان مزهي بحيلاته يحايلها
والثانيه يالله انك لاتخيبني = تقرع بحلقي وانا مانيب قايلها



يتبع ،،

--------------------------------------------------------------------------------



بينه وبين سعد بن غازي



البدايه



يا ابو مشعل قال ابو سلطان سيـّر = وجيت مشتاق ٍ لكم من غير صاخر
كلكم غالين مافيكم تخيـّر = ما نفرق بين الاول هو والاخر
لو يقولون العرب بدل وغيـّر = قمة ٍ للاعتزاز وللتفاخر
ليلة ٍ معكم عسى الله مايغيـّر = كنها عندي من العشر الاواخر
الفواله من فواق ام الحويـّر = والخلاص وما يفوح من المباخر
والعقال من الجزال عن الصغيـّر = اسمر ٍ ماوردوه اهل البواخر





مردود سعد /



مرحبا باللي عزمته ماتحيـّر = وان طمعت اسايره ماني بذاخر
مثل ضلع طويق ثابت ماتغيـّر = فاخر ٍ با المرجله والشعر فاخر
شعره احلا من حليب ام الحويـّر = لاخذيت شوي من روس المواخر
ذخر عود ٍ ماقفه با الطيب نيـّر = صيحته ترهق وسيعات المناخر
قبل يقصر طول ويطول القصيـّر = ربعته مدهل قليلين المذاخر
شغلتي شرد البيوت اليا تذيـّر = مير ابو نايف مقفلها للآخر




يتبع ،،

--------------------------------------------------------------------------------





يا مل ّ قلب ٍ تقول يلامسه جمره=بين المعاليق كن ّ النـّار تصلاني
من حرّها .. أذكر حرارة جمرة السمره=إليا علق عودها ما فيه دخـّاني
ولا أونستها غير عقب عساسة الحمره=ومواجه اللـّي سهم عينه تمثناني
غرو ٍ على أول صباه ومستوى عمره=جيته وجاني وآخذ قلبي وخلاني
معطيه ربـّي جمال ٍ قاطف ٍ ثمره=متعزّل ٍ كن ّ عوده عود ريحاني
ماهوب يستعمل المكياج والحمره=والبويه اللـّي تخرّب رمش الأعياني
يكفيه سور الحوار وفردة التمره=عن كل ّ نوع ٍ من أنواع الغذاء الثاني
لو يعترض في طريق الخال ابن عمره=مع دربه أشقاه ربـّي مثل ما أشقاني
وإليا علق به صوابه وإبتلش بـ / أمره=إما أفلح الخال وألا جاه ما جاني


.












عرض البوم صور الشهاب الثاقب   رد مع اقتباس
قديم 06-11-2012, 01:38 PM   المشاركة رقم: 2
المعلومات
الكاتب:
اللقب:
:: شــاعــــر ::
الرتبة:

البيانات
التسجيل: Dec 2011
العضوية: 3058
المشاركات: 81 [+]
بمعدل : 0.08 يوميا
اخر زياره : [+]
الدولة: saudi arabia
علم الدوله :  saudi arabia
معدل التقييم: 3
نقاط التقييم: 10
ابو هباش is on a distinguished road
 


التوقيت

الإتصالات
الحالة:
ابو هباش غير متواجد حالياً
وسائل الإتصال:

كاتب الموضوع : الشهاب الثاقب المنتدى : منتدى الشعر النبطي
افتراضي

عزى الله انك ماقصرت على نقل هالكنز الشعري بيض الله وجهك على النقل وانا الشيخ ابو هباش












عرض البوم صور ابو هباش   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الله , الشاعر , الكيبر or , ابو , ديوان , عبد , عون , نايف


الذين يشاهدون محتوى الموضوع الآن : 13 ( الأعضاء 0 والزوار 13)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كابتن الامير نايف رحمه الله المتنبي (( المنتدى الاخباري )) 0 06-18-2012 11:58 AM
اللقاء مع الشاعر:نايف ابن دليم ابن شمهليل المظيبري ذيب عامودان منتدى الإستضافات 45 05-24-2011 01:00 AM
هذه القصيده قالها الشاعر نايف دليم براك المظيبري الرشيدي أبودليم منتدى الشعر النبطي 7 01-23-2010 08:34 PM
ديوان الشاعر الكبير مساعد الرشيدي في الأسواق مرشدالمظيبري منتدى الشعر النبطي 13 08-26-2009 01:34 AM


Powered by vBulletin® Copyright ©2000 - 2014, Jelsoft Enterprises Ltd.
LinkBacks Enabled by vBSEO © 2011, Crawlability, Inc. TranZ By Almuhajir
Ads Management Version 3.0.1 by Saeed Al-Atwi